پی ٹی آئی رہنما فواد چوہدری نے وزیراعظم پر طنز کرتے ہوئے کہا ہے کہ اب پتہ چلا کہ شہباز شریف نے گزشتہ سال عوام کے کپڑے بیچنے کی بات کی تھی۔
اے آر وائی نیوز کے مطابق وزیراعظم شہباز شریف نے گزشتہ سال بشام میں جلسہ عام سے خطاب کرتے ہوئے کہا تھا کہ اگر انہیں کے پی میں سستا آٹا فراہم کرنے کے لیے اپنے کپڑے بھی بیچنے پڑے تو بیچ کر عوام کو سستا آٹا فراہم کریں گے۔ ان کے اس بیان کے بعد ہی مختلف حلقوں کی جانب سے متنازع بیانات کا سلسلہ شروع ہوگیا تھا تاہم پی ٹی آئی رہنما نے سال نو کے اپنے پہلے ٹوئٹ میں ایک بار پھر اس کی یاد تازہ کردی ہے۔
فواد چوہدری نے اپنے ٹوئٹ میں لکھا ہے کہ گزشتہ سال شہباز شریف نے وعدہ کیا تھا کہ میں کپڑے بیچ کر آٹا سستا کروں گا۔
پی ٹی آئی رہنما نے کہا کہ ان کے اس اعلان پر ہم لوگ سمجھے تھے کہ وہ اپنے کپڑے بیچنے کی بات کر رہے ہیں لیکن اب پتہ چلا کہ وہ عوام کے کپڑے بیچنے کا کہہ رہے تھے۔
یہ بھی پڑھیں: ‘محنت کرکے اس ملک کا بھکاری پن ختم کریں گے’
انہوں نے مزید کہا کہ اگر یہ 8 ماہ اور رہ گئے تو عوام کے تن پر بنیان بھی نہیں رہنے دیں گے۔
چجھکے سال شہباز شریف نے وعدہ کیا کہ میں کپڑے بیچ کر آٹا سستا کروں گا ہم لوگ سمجھے اپنے کپڑے بیچنے کی بات کر رہے ہیں اب آکر پتا چلا وہ عوام کے کپڑے کہ رہے تھے ، اگر یہ آٹھ ماہ اور رہ گئے تو عوام کے تن پر بنیان بھی نہیں رہنے دیں گے
— Ch Fawad Hussain (@fawadchaudhry) January 1, 2023
