تحریک انصاف چھوڑنے والے محمود مولوی نے کہا کہ فواد چوہدری، عمران اسماعیل اور علی زیدی نے ابھی تک آئی پی پی کو آفیشل جوائن نہیں کیا۔
اے آر وائی نیوز کے پروگرام سوال یہ ہے میں گفتگو کرتے ہوئے محمود مولوی نے کہا کہ استحکام پاکستان پارٹی کا منشورا ٓنے دیں پھر چیزیں سامنےآئیں گی استحکام پاکستان پارٹی کا ٹارگٹ کیا ہےکیسے چلنا چاہتے ہیں یہ دیکھنا ہو گا۔
انہوں نے کہا کہ استحکام پاکستان پارٹی بنانےمیں جلدبازی ہوئی اس میں شک نہیں، منگل کو پرویزخٹک سے ملاقات کرنے جا رہا ہوں آئی پی پی پنجاب میں اچھی جارہی ہے۔
ان کا کہنا تھا کہ 9 مئی کے واقعات کے بعد پارٹی میں بہت سےلوگ ناراض ہیں پارٹی میں لوگ کہتے ہیں کیا ہم کوئی غلام ہیں جو ڈکٹیشن لیتے رہیں گے لوگوں کو شعور آچکا ہے جہاں لوگوں کا مفاد ہے وہاں جاتےہیں چیزوں کو بدلنےکی ضرورت ہے۔
انہوں نے کہا کہ پنجاب میں ن لیگ دور میں جو کام ہوا ہے اس سے بھی لوگ خوش ہیں کرپشن ہرجگہ ہے کرپشن کوآہستہ آہستہ ہی ختم کیا جا سکتاہے۔