The news is by your side.

Advertisement

فواد خان کے لیے ایک اور بین الاقوامی اعزاز

دبئی: فیشن میگزین فلم فیئر کے مشرق وسطیٰ ایڈیشن کے دوبارہ اجرا کے موقع پر معروف پاکستانی اداکار فواد خان کو سینماٹک آئیکون کے اعزاز سے نوازا گیا۔

تفصیلات کے مطابق فیشن میگزین فلم فیئر کے اجرا کی تقریب میں پاکستانی فنکاروں کی بے حد پذیرائی ہوئی۔ تقریب میں فواد خان، معروف اداکارہ مہوش حیات اور جاوید شیخ نے شرکت کی۔

@fawadkhan81 is here… #filmfareme @bollywoodparksdubai

A post shared by Filmfare Middle East (@filmfareme) on

تقریب میں مہوش حیات کو پاکستانی آئیکون، فواد خان کو سینماٹک آئیکون اور جاوید شیخ کو سینماٹک لیجنڈ کے اعزاز سے نوازا گیا۔

اس موقع پر مہوش حیات کا کہنا تھا کہ ’میں اپنے ایوارڈ ملنے کو کامیابی نہیں سمجھتی مگر فلم فیئر بین الاقومی ایوارڈ ہے اور مجھے پاکستانی انڈسٹری میں اداکاری کے جوہر دکھانے پر بڑا اعزاز ملا، یہ ایوارڈ میرا نہیں دراصل پاکستان کی فلم انڈسٹری کے لیے ہے‘۔

#fawadkhan #karanjohar #manishmalhotra #lastnight at #filmfaremiddleeast

A post shared by FawadandSadaf (@fawadandsadaf) on

فواد خان نے اپنی پذیرائی پر شکریہ ادا کیا جبکہ جاوید شیخ کا کہنا تھا کہ دونوں ممالک کے فنکاروں کا مل کر کام کرنا ضروری ہے۔

فلم فیئر کی تقریب اجرا کے موقع پر کرن جوہر، دپیکا پڈوکون، دیا مرزا اور جیکی شیروف سمیت بے شمار بالی ووڈ شخصیات شریک تھیں۔ اس موقع پر بالی ووڈ شخصیات نے فواد خان کے ساتھ تصاویر بھی بنوائیں۔

یاد رہے کہ فواد خان اور جاوید شیخ متعدد پاکستانی ڈراموں اور فلموں میں کام کر چکے ہیں۔ دونوں اداکار بالی ووڈ کی بھی کئی فلموں میں اداکاری کے جوہر دکھا چکے ہیں جس کے بعد بھارت میں بھی بڑی تعداد میں ان کے مداح موجود ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں