کوئٹہ : بلوچستان میں ایف سی کی کارروائی میں تین دہشت گرد ہلاک ہوگئے،دہشت گردوں کے قبضے سے بھاری مقدار میں اسلحہ برآمد کرلیاگیا۔
تفصیلات کےمطابق ایف سی کے ترجمان کا کہناہے کہ پہاڑی علاقے سومالو میں ایف سی نےدہشت گردوں کے تین کیمپ مسمار کردیے۔اس دوران فائرنگ کے تبادلے میں کالعدم تنظیم کے3 دہشت گرد ہلاک ہوگئے جن کے قبضے سے اسلحہ بھی برآمد ہوا۔
دوسری جانب بلوچستان میں بارکھان کے علاقے (دلوائی ) میں دہشت گردوں کی موجود گی کی اطلاع پر کارروائی کرکے ایک غار سے بھاری مقدار میں جدید اسلحہ اورگولہ بارود قبضے میں لے لیا۔
ادھربلوچستان کے علاقےڈیرہ بگٹی میں بارودی سرنگ سے ٹریکٹر ٹکرانے سےتین افراد زخمی ہوگئے جنہیں ڈسٹرکٹ اسپتال منتقل کیا گیا۔
مزید پڑھیں:بلوچستان میں ایف سی کی کارروائی،5شدت پسندہلاک
واضح رہے کہ رواں ماہ کے آغاز میں صوبہ بلوچستان کےشہرکوئٹہ اور تربت میں دو مختلف کارروائیوں کے دوران 5 دہشت گرد مارے گئے۔
