The news is by your side.

Advertisement

کراچی کی باہمت خاتون کیب ڈرائیور نے مثال قائم کردی

کراچی : شہر قائد کی ایک باہمت خاتون نے عزم و ہمت کی مثال قائم کردی، کراچی کی کیب ڈرائیور حیا فیصل نے زندگی کی تلخیوں اور سختیوں کا ڈٹ کر مقابلہ کیا اور اپنے بچوں کی کفالت کا فرض بخوبی ادا کررہی ہیں۔

پاکستان میں خواتین تقریباً ہر شعبے میں مردوں کے شانہ بشانہ کام کر رہی ہیں، ہر محکمے میں تعلیم یافتہ خواتین مردوں کے ساتھ کام کر کے اپنی صلاحیتوں کا لوہا منوا رہی ہیں کئی مرتبہ ایسی خواتین کی کہانیاں بھی سامنے آتی ہیں۔

ایسی ہی ایک کہانی کراچی کی حیا فیصل کی ہے جنہیں زندگی کی تلخیوں اور چار بچوں نے انہیں ہمت باندھنے اور اپنی مدد آپ کرنے کا حوصلہ دیا۔

حیا فیصل کراچی کی رہائشی ہیں اور ایک ٹیکسی ڈرائیور ہیں، جو کراچی میں صرف خواتین اور فیملیز کے لیے پک اینڈ ڈراپ سروس مہیا کرتی ہیں۔

اے آر وائی نیوز کے پروگرام باخبر سویرا میں گفتگو کرتے ہوئے حیا فیصل نے بتایا کہ میری شادی 17 سال کی عمر میں ہوئی، میرے دو بیٹے اور دو بیٹیاں ہیں۔

انہوں نے کہا کہ جب میں نے فیس بک پیج بنایا تو مجھے بہت پذیرائی ملی اور وہ بہت وائرل ہوا، دوسری جانب گھر والوں اور دیگر احباب کی طرف سے بھی مخالفت کی گئی لیکن میں نے ہمت نہیں ہاری۔

حیا فیصل کا کہنا تھا کہ میں تین ماہ سے گاڑی چلا رہی ہوں شروع میں بہت مایوس ہوجاتی تھی لوگ گھنٹوں انتطار کرواتے تھے اور میں ہاہر گاڑی میں کھڑی ان کا انتطار کرتی تھیں کہ وہ کب کام سے فارغ ہو تو واپس جانا ہو۔

Comments

یہ بھی پڑھیں