بیجنگ: دنیا میں جہاں جدید تقاضوں کے ساتھ بیماریوں کا علاج کیا جاتا ہے وہی چین میں دو ہزار سال سے مختلف بیماریوں کے علاج کے لیے ’’فینگ فو پوائنٹ‘‘ پر برف کا استعمال کے ساتھ علاج کا سلسلہ آج بھی جاری ہے۔
چین میں جاری دو ہزار سال پرانے طریقہ علاج سے اب تک دنیا بھر کے ہزاروں لوگ مستفید ہوچکے ہیں، فینگ فوپوائنٹ کے ذریعے علاج کا طریقہ کار بہت آسان ہے جس میں برف کا ٹکڑا چند منٹوں کے لیے گردن کے پچھلے حصے پر رکھا جاتا ہے۔
ریڑھ کی ہڈی شروع ہونے والے حصے یعنی جو مہرہ گردن اور کھوپڑی کو ملاتا ہے اس پوائنٹ کو فینگ فو پوائنٹ کہا جاتا ہے اس علاج کے تحت برف کا ٹکڑے کو تقریباً 20 منٹ کے لیے رکھا جاتا ہے اور یہی عمل دن میں دو سے تین بار درہرایا جاتا ہے۔
اس طریقہ کار کے تحت کوئی بھی شخص اپنا علاج خود کرسکتاہے جس کے تحت وہ گردن جھکا کے بیٹھے یاپھر سینے کے بل زمین پر لیٹ جائے اور برف کو کسی کپڑے سے پکڑ کر اس پوائنٹ پر رکھ لیتا ہے۔
ابتدائی طور پر 30 سے 60 سیکنڈ تک برف کی بہت زیادہ ٹھنڈک کا احساس ہوتا ہے تاہم یہ وقت گزرتے ہی حیرت انگیز طور پر علاج کرنے والے شخص کو اپنی گردن کے پچھلے حصے پر گرمی جسم میں داخل ہوتی محسوس ہوتی ہے۔
فینگ فو پوائنٹ کے برف کا ٹکڑا رکھ کر اسے دبانے یا ہٹانے کی ضرورت نہیں تاہم علاج کرنے والے شخص کو اس بات کا دھیان رکھنا ہوتا ہے کہ برف کا ٹکڑا اُس کی گردن کے صحیح پوائنٹ پر رکھا ہوا ہے۔
پڑھیں: ’’ پتھر کے دور میں دانتوں کی تکلیف کا علاج کیسے؟ ‘‘
فینگ فو پوائنٹ پر روزانہ دن میں ایک سے دو مرتبہ برف رکھنے سے کئی فائدے ہوتے ہیں جن میں سر کے درد سے چھٹکارا، نزلہ زکام کی علامات کا خاتمہ، نظامِ ہاضمہ میں بہتری، اچھی نیند اور الٹی/ متلی کی کیفیات کا خاتمہ شامل ہیں۔
مزید پڑھیں: ’’ چھوٹی چھوٹی تکالیف کا آسان علاج ‘‘
علاوہ ازیں یہ طریقے سے علاج سرچکرانے، یرقان، دل اور دورانِ خون کا نظام بہتر بنانے، دمے اور تھائیرائیڈ کے مسائل کو قابو کرنے میں مفید سمجھا جاتا ہے۔
