The news is by your side.

اہلیہ سے علیحدگی پر فیروز خان نے خاموشی توڑ دی

پاکستانی ڈرامہ انڈسٹری کے معروف اداکار فیروز خان نے اہلیہ علیزے سلطان سے علیحدگی پر خاموشی توڑ دی۔

سماجی رابطے کی ویب سائٹ ٹویٹر پر فیروز خان نے لکھا کہ ’مجھے ملک کے ایک قانون کی پاسداری کرنے والے شہری کی حیثیت سے عدالت کے انصاف پر مکمل اعتماد ہے۔‘

انہوں نے بتایا کہ ’فیملی کورٹ میں ہماری طلاق تین ستمبر کو ہوگئی تھی اور 19 ستمبر کو میں نے عدالت سے اپنے بچوں فاطمہ اور سلطان سے ملنے کی درخواست کی تھی۔‘

فیروز خان کے مطابق 21 ستمبر کو عدالتی حکم پر آدھے گھنٹے تک میری بچوں سے ملاقات کروائی گئی تھی۔‘

اداکار نے بتایا کہ ’عدالت نے کیس کی مزید سماعت یکم اکتوبر تک ملتوی کردی ہے اس تاریخ کو کیس کی پیروی ہوگی جس کے فیصلے کے بعد میں اپنے بچوں سے ملاقات کرسکوں گا۔‘

فیروز خان کا کہنا تھا کہ ’علیزے میری سابقہ اہلیہ ہیں میں ان کی سپورٹ جاری رکھوں گا وہ میرے بچوں کی والدہ ہیں۔‘

علیزے نے فیروز خان سے علیحدگی کی تصدیق کردی

انہوں نے مزید لکھا کہ ’میں اس پر مزید کچھ نہیں کہنا چاہوں گا کیونکہ عدالت میں کیس زیر سماعت ہے۔

واضح رہے کہ اس سے قبل علیزے نے شوہر سے علیحدگی کی تصدیق کرتے ہوئے فیروز خان پر الزامات عائد کیے تھے۔

Comments

یہ بھی پڑھیں