کراچی: ایف آئی اے انٹرپول پاکستان نے پنجاب پولیس کو مطلوب 6 ملزمان کو یو اے ای سے گرفتار کر لیا۔
اے آر وائی نیوز کے مطابق ایف آئی اے انٹرپول پاکستان نے بڑی کارروائی کرتے ہوئے پاکستان نے پنجاب پولیس کو مطلوب 6 ملزمان کو یو اے ای سے گرفتار کر لیا۔
ترجمان ایف آئی اے کا بتانا ہے کہ ملزمان کویواے ای سے گرفتار کر کے سیالکوٹ ائیرپورٹ منتقل کر دیاگیا، گرفتار ملزمان میں قمر شہزاد، توقیر بٹ، بوستان حسن، صائم زیب، وقار عظیم اور نسیم عباس شامل ہیں۔
ترجمان ایف آئی اے کا کہنا ہے کہ ملزمان کے خلاف قتل، ڈکیتی کی دفعات کے تحت مقدمات درج تھے، گرفتار ملزمان اٹک، وہاڑی، گوجرانوالہ، پاکپتن اور ٹوبہ ٹیکسنگ پولیس کو مطلوب تھے۔
ترجمان کے مطابق ایف آئی اے این سی بی انٹرپول پاکستان نےملزمان کی گرفتاری کیلئے ریڈ نوٹس جاری کئے تھے، بعد ازاں ایف آئی اے امیگریشن نے ملزمان کو متعلقہ پولیس کے حوالے کر دیا۔
ترجمان کا کہنا ہے کہ ملزمان کی حوالگی انٹرپول اسلام آباد کی انٹرپول یو اےای کیساتھ رابطہ کاری سے ممکن ہوئی، این سی بی انٹرپول پاکستان نےگزشتہ سال ملزمان کی گرفتاری کیلئے117 ریڈ نوٹسسز بھی جاری کئے۔
ترجمان نے یہ بھی کہا کہ گرفتار ملزمان کی بروقت حوالگی کے لئے ایف آئی اے امیگریشن کی خدمات قابل ستائش ہیں۔
