سکھر: ایف آئی اے سکھر نے گندم کرپشن کے الزام میں سابق فوڈ افسر سمیت 4 افراد کو گرفتار کر لیا۔
تفصیلات کے مطابق سکھر میں ایف آئی اے نے سابق ڈی ایف او سکھر سمیت چار افراد کو گرفتار کر لیا ہے، جن پر گندم کرپشن کا الزام ہے، ملزمان میں بینک افسر، کلرک اور فلور مل مالک شامل ہیں۔
ایف آئی اے کے مطابق ملزمان نے بینک عملے کے ساتھ مل کر گندم خریداری میں کروڑوں کی خورد برد کی، اور قومی خزانے کو کروڑوں روپے کا نقصان پہنچایا۔
- Advertisement -
ایف آئی اے کا کہنا ہے کہ گرفتار ملزمان کے خلاف مقدمہ درج کر لیا گیا ہے اور کیس سے متعلق مزید تفتیش کی جا رہی ہے۔
