ملکہ برطانیہ نے پاکستانی نژاد خاتون کو گریٹر مانچسٹر کی ہائی شیرف تعینات کردیا
The news is by your side.

Advertisement

ملکہ برطانیہ نے پاکستانی نژاد خاتون کو گریٹر مانچسٹر کی ہائی شیرف تعینات کردیا

مانچسٹر: ملکہ برطانیہ نے پاکستانی نژاد خاتون ڈاکٹرروبینہ شاہ کو گریٹر مانچسٹر کی ہائی شیرف تعینات کردیا، ڈاکٹرروبینہ شاہ  یہ عزاز حاصل کرنے والی پہلی پاکستانی نژاد برطانوی خاتون ہیں۔

برطانوی میڈیا کے مطابق ملکہ برطانیہ نے پاکستانی نژاد ڈاکٹر روبینہ شاہ کو گریٹر مانچسٹر کی ہائی شیرف تعینات کردیا، ان کی خدمات کے اعتراف میں انہیں اس عہدے پر تعینات کیا گیا۔

ڈاکٹر روبینہ شاہ کا تعلق پاکستان کے علاقے کہوٹہ سے ہے۔

برطانیہ میں صرف 3 کاوینٹیز ایسی ہیں، جہاں پر ہائی شیرف ازخود ملک برطانیہ تعینات کرتی ہیں، جن میں مانچسٹر ایک ہے۔

ڈاکٹر روبینہ شاہ یہ اعزاز حاصل کرنے والی پہلی پاکستانی نژاد برطانوی خاتون ہیں۔

ڈاکٹر شاہ کا کہنا ہے کہ میں بہت فخر محسوس کررہی ہوں اور اورمیرے لئے باعث اعزاز ہے کہ ملکہ برطانیہ کی جانب سے مجھے اس تاریخی عوامی خدمت کےعہدے پر نامزد کیا گیا ہے اور میں وعدہ کرتی ہوں گریڈ مانچسٹر کے لوگوں کی خلوص نیت سے خدمت کروں گی۔

یونیورسٹی آف مانچسٹر میں ماہر تعلیم ڈاکٹر روبینہ شاہ 25 سال سے خدمات سرانجام دے رہی ہے ، وہ ایک چارٹرڈ کنسلٹنٹ ماہر نفسیات اور یونیورسٹی ڈبل ڈے سینٹر کی ڈائریکٹر ہے، یہ ایک مرکز ہے، جہاں ڈاکٹروں کی زیر نگرانی مریضوں اور عوام کو تربیت دی جاتی ہے۔

برطانیہ میں ہائی کمشنر پاکستان ابن عباس شاہ جمعرات کو گریٹر مانچسٹر کی ہائی شیرف ڈاکٹر روبینہ شاہ کی ہونے والی تقریب حلف برداری میں شرکت کریں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں