لندن سے نیویارک کا سفر ڈھائی گھنٹےمیں طے کرنے والا طیارہ -
The news is by your side.

Advertisement

لندن سے نیویارک کا سفر ڈھائی گھنٹےمیں طے کرنے والا طیارہ

لندن : عام جہاز سے لندن سے نیویارک کا سفرسات گھنٹے میں طے ہوتا ہے،مگر اسکر وینیلز نامی ڈیزائنر ایسے طیارے کی تیاری کررہے ہیں جو 2300میل فی گھنٹہ کی رفتار سے سفر طے کرے گا.

تفصیلات کے مطابق ایسے سپر سانک طیارے پر کام ہورہا ہے جو اتنا طویل سفر بہت جلد طے کرنے کی صلاحیت رکھتا ہوگا یعنی کراچی سے لندن کا طویل سفر بھی تین گھنٹوں میں ممکن ہوسکے گا.

آسکر وینیلز نامی ڈیزائنر فلیش فیلکن نامی طیارے کی تیاری پر کام کررہے ہیں،جس کی حد رفتار 2301 میل فی گھنٹہ تک ہوسکتی ہے.

اس طیارے کی ناک اور پر ایسے ڈیزائن کیے گئے ہیں جو ہوا کے بہاﺅ پر اثرانداز ہوتے ہیں اور اسی وجہ سے یہ شاک ویوز کو بھی عبور کرسکتا ہے.

یہ طیارہ ٹو ڈیک پر مشتمل ہوگا اور اس میں ایک وقت میں ڈھائی سو مسافر سفر کرسکیں گے،اور ہاں اس کی ایک خاص بات یہ ہے کہ یہ ہیلی کاپٹر کی طرح عمودی انداز سے ٹیک آف اور اتر سکے گا.

PLANE POST 1

واضح رہے کہ اس طیارے کی تیاری میں فیوژن ری ایکٹر کو استعمال کیا جائے گا تاکہ دوران پرواز ماحول کو نقصان پہنچانے والی گیسیں خارج نہ کرے،یعنی یہ ماحول دوست طیارہ ہوگا جو روایتی فضائی سفر کا متبادل ثابت ہوگا.

Comments

comments

یہ بھی پڑھیں