The news is by your side.

Advertisement

پاکستان کسی بھی ملک پر سیاسی بنیادوں پر پابندیوں کے خلاف ہے: دفتر خارجہ

اسلام آباد: دفتر خارجہ کا کہنا ہے کہ پاکستان کسی بھی ملک پر سیاسی بنیادوں پر پابندیوں کے خلاف ہے۔ ترجمان دفتر خارجہ کا کہنا ہے کہ امریکا پر واضح کردیا ہے پاکستان کے مؤقف کا احترام کرنے سے تعلقات آگے بڑھیں گے۔

تفصیلات کے مطابق ترجمان دفتر خارجہ ڈاکٹر فیصل نے میڈیا بریفنگ میں کہا کہ ایف اے ٹی ایف میں پیش کردہ تحفظات امریکی ہیں۔ پاکستان نے اس حوالے سے پہلے ہی اقدامات کیے ہیں اور ایکشن پلان پر باقاعدہ عملدر آمد شروع کر رکھا ہے۔

ترجمان کے مطابق ایف اے ٹی ایف کی رپورٹ کا انتظار ہے۔ امریکی کانگریس نے پاکستان کے امریکی دائرہ اثر سے نکلنے کے ریمارکس دیے لیکن حقیقت یہ ہے کہ پاکستان نہیں بلکہ امریکا ہم سے دور پھسل رہا ہے۔

ترجمان دفتر خارجہ نے کہا کہ بھارتی آرمی چیف نے بے بنیاد الزامات لگائے۔ بیانات غیر ذمہ دارانہ اور بھارتی آرمی چیف کے ذہنی تصورات کا عکس ہیں۔

دفتر خارجہ کا کہنا تھا کہ ون بیلٹ ون روڈ منصوبے کے تحت پاک چین اقتصادی راہداری کی اپنی اہمیت ہے۔ فی الحال یہ پاکستان اور چین کا دو طرفہ منصوبہ ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں