نئی دہلی : بھارتی خفیہ ایجنسی را کے سابق چیف اےایس دلت نے کہا ہے کہ مقبوضہ کشمیر کی جوصورتحال اب ہے ماضی میں ایسی نہ تھی، نئی نسل ہاتھ سے نکلتی جارہی ہے، حکومت کو کشمیریوں سےبات کرنی چاہئیے۔
میڈیا سے گفتگو میں ان کا کہنا تھا کہ ماضی میں فوج کو پتھر مارنے والے چھپ جایا کرتے تھے لیکن اب ایسا نہیں ہے، پتھرمارنے والے اب فخریہ طورپرسامنےآتےہیں۔
مقبوضہ کشمیرمیں لوگوں کے ساتھ اب طالبات بھی سڑکوں پرہیں، طالبات اورخواتین بھی اب بھارتی فوج پر پتھروں کا استعمال کرتی ہیں، کشمیری نوجوان نسل والدین کی مرضی سےپتھراٹھارہی ہے۔
انہوں نے کہا کہ کشمیری نوجوان نسل کو والدین کی طرف سے بھی نہیں روکاجارہا، برہان وانی کی موت کے بعد کشمیرکی صورتحال تبدیل ہوئی۔
اےایس دلت نے کہا کہ بچوں کی جانب سے بھی گلیوں میں سے نکل کر فوج پر پتھراؤ کرنا ٹھیک نہیں، سمجھ نہیں آتا کہ بھارت کیوں کشمیریوں اور پاکستان سے بات نہیں کرتا۔
بھارتی حکومت کو کشمیریوں سےبات کرنی چاہئیے، انہوں نے تجویز دی کہ اس حوالے سے کشمیریوں کی نسبت پاکستان سے بات چیت کرنا آسان ہوگی۔