فرانس کے مغربی علاقے وینڈی میں ویکسینیشن کے باوجود بطخوں کے ایک فارم میں برڈ فلو کا انکشاف ہوا ہے۔
اپنی ویب سائٹ پر فرانس کی وزارت فارم کا کہنا تھا کہ گزشتہ سال فرانس نے برڈ فلو وائرس کے خلاف ویکسین لگانے کا عمل شروع کیا تھا اس کے بعد پہلی بار وبا کے پھیلنے کا انکشاف ہوا ہے۔
اس حوالے سے وینڈی کے حکام نے بتایا کہ نوٹری ڈیم ڈی ریز کے قصبے میں بطخوں کے ایک فارم میں پیتھوجینک ایویئن انفلوئنزا، جسے عام طور پر برڈ فلو کہا جاتا ہے پایا گیا ہے۔
حکام نے کہا کہ اس فارم میں تقریبا 8,700 بطخ موجود ہیں اور ان سب کو ویکسین لگائی گئی تھی۔
برڈ فلو، جنگلی پرندوں کی طرف سے منتقل ہوتا ہے اور یہ فارموں میں موجود پرندوں میں بھی منتقل ہوسکتا ہے۔ حالیہ برسوں میں پوری دنیا میں برڈ فلو نے کافی تباہی مچائی تھی۔
برڈ فلو کی وجہ سے مرغیوں اور دوسرے پرندوں کی سپلائی میں کمی کا سامنا کرنا پڑا تھا جبکہ مرغیوں کی قیمتوں میں اضافہ ہوگیا تھا جبکہ برڈ فلو کے انسانوں میں بھی منتقلی کا خطرہ پیدا ہوگیا تھا۔
فرانس حفاظی اقدامات کے پیش نظر گزشتہ اکتوبر کے اوائل میں ایک ویکسینیشن مہم کا آغاز کیا تھا، جس میں بطخوں کی ویکسینیشن کی گئی تھی کیوں کہ ان میں وائس کی کوئی علامت نہیں ہوتیں اور یہ آسانی سے وائرس کو دوسروں میں منتقل کر سکتی ہیں۔
واضح رہے کہ یہ ویکسین پرندوں کو بیماری سے مکمل طور پر محفوظ رکھنے کے لیے نہیں ہے بلکہ اس کے پھیلاؤ کو محدود کرنے کے لیے ہے۔ اس طرح بڑے پیمانے پر وبائی مرض کے روک تھام کے لیے مدد ملتی ہے۔
فرانس میں 27 نومبر سے اب تک سات مقامات پر برڈ فلو کے پھیلاؤ کا پتہ چلا ہے، وزارت زراعت نے اپنی ویب سائٹ پر بتایا کہ ان میں پانچ ٹرکی، ایک مرغیوں اور ایک بطخوں کا فارم شامل ہے۔
