کراچی : مانسہرہ کالونی میں کوڈرنک نہ پلانے پر دوست نے دوست کو گولی مار کر قتل کر دیا، نوجوان کے اہلخانہ پہلے مقدمہ درج کروانے پھر انصاف کے لیے دھکے کھانے پر مجبور ہیں۔
تفصیلات کے مطابق کراچی کے علاقے مانسہرہ کالونی کے کم عمر نوجوان خان ویز کو محلے کے اوباش لڑکے سے دوستی مہنگی پڑگئی۔
داود نے 18 سالہ نوجوان خان ویز سے کولڈ ڈرنک پلانے کی فرمائش کی تو خان ویز نے ملزم داود کو بوتل پلانے سے انکار کیا، جس پر ملزم نے مقتول کے چھوٹے بھائی کے سامنے ہی پستول نکالا اور گولی چلا دی۔
والد اور رشتے دار کا کہنا ہے کہ ملزم بیٹے کا دوست تھا لیکن کنڈا لگا کر بجلی کی چوری بھی کرتا تھا، جس کی وجہ سے مقتول خان ویز اور اس کا جھگڑا رہتا تھا۔
اہلخانہ نے دعویٰ کیا ہے کہ قتل کا مقدمہ بھی پولیس کی جانب سےتاخیرسےدرج کیاگیا اور پولیس غفلت سےجائے وقوعہ سےملنےوالاخول بھی گم ہوگیا، ملزم کوگرفتارکرکےہمیں انصاف فراہم کیاجائے۔
مقتول کے والد نے کہا کہ شرافی گوٹھ تفتیشی پولیس کیس کودبانےکی کوشش کررہی ہے اور ہمیں انصاف فراہم کرنے کے ملزمان کا ساتھ دے رہی ہے۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔