اسلام آباد: پاکستانی وفد فیوچر منرل فورم کے لیے ریاض پہنچ گیا، وفد سعودی آرامکو حکام سے سرمایہ کاری پر بات چیت کرے گا۔
تفصیلات کے مطابق سعودی عرب کے دارالحکومت ریاض میں فیوچر منرل فورم کا انعقاد ہو رہا ہے، جس میں شرکت کے لیے نگراں وزیر توانائی محمد علی کی سربراہی میں پاکستانی وفد ریاض پہنچ گیا۔
فیوچر منرل فورم کا انعقاد آج سے 11 جنوری تک ہو رہا ہے، دنیا بھر سے بڑی تعداد میں مختلف ممالک کے وفود اس فورم میں شرکت کر رہے ہیں۔
ذرائع پٹرولیم ڈویژن کا کہنا ہے کہ پی ایم ڈی سی، او جی ڈی سی ایل، پی پی ایل و دیگر کمپنیوں کے حکام بھی وفد میں شامل ہیں، فیوچر منرل فورم میں معاشی ترقی میں معدنیات کے کردار پر بات چیت ہوگی۔
Today at the #FutureMineralsForum: three monumental events: The Ministerial Round Table, the International Geological Surveys meeting, and the Arab Industrial Development, Standardization, and Mining Organization meeting. #FMF24: Stay tuned.
— مستقبل المعادن | FUTURE MINERALS (@FutureMineral) January 9, 2024
ذرائع نے مزید بتایا کہ پاکستانی وفد کی دورے کے دوران سعودی حکام سے ملاقاتیں ہوں گی، سعودی آرامکو حکام سے بھی ملاقات کی جائے گی، آرامکو حکام سے پاکستان میں آئل ریفائنری میں سرمایہ کاری پر بات ہوگی۔ ذرائع کے مطابق سعودی حکام سے ریکوڈک منصوبے پر سرمایہ کاری پر بات چیت بھی متوقع ہے۔