جرمنی میں ہڑتالوں کے باعث ٹرینیں اور ایئر لائنز بندش کا شکار ہونے کے سبب ہزاروں ملازمین کو پریشانی کا سامنا کرنا پڑا۔
غیر ملکی ذرائع ابلاغ کے مطابق جرمنی کی قومی ایئر لائن لفتھانزا اور ریل آپریٹر ڈوئچے بان کے ہڑتالی عملے کی جانب سے تنخواہیں بڑھانے کا مطالبہ کیا جارہا ہے۔
ہڑتالوں کے باعث لاکھوں مسافر اذیت کا شکار ہوئے، جمعرات کے روز قومی ریل اور ہوائی کمپنیوں کے ملازمین کی متوازی ہڑتالوں نے آمد و رفت اور نقل و حمل کے نظام کو مفلوج بنا کر رکھ دیا۔
اسی دوران لفتھانزا کے زمینی عملے کی جانب سے بھی دو روزہ ہڑتال شروع کردی گئی، اس قومی ائیر لائن کو اپنی پروازوں کے اصل شیڈول میں کمی لاتے ہوئے اس کے صرف دس سے بیس فیصد حصے پر ہی عمل کر سکنے کی توقع ہے۔
ریل کمپنی کی ترجمان نے ہڑتالی ملازمین پر تنقید کرتے ہوئے کہا، جی ڈی ایل کی مکمل طور پر غیر ضروری ہڑتال سے لاکھوں مسافروں کے سفری منصوبے متاثر ہوئے ہیں۔
جرمنی جانے والوں کیلئے ویزے کی آسان سہولت فراہم
جی ڈی ایل ٹریڈ یونین دیگر مطالبات کے ساتھ ساتھ شفٹوں میں کام کرنے والے کارکنوں کے لیے ہفتے میں کام 38 گھنٹوں سے کم کرکے 35 گھنٹے کر نے کا مطالبہ کر رہی ہے، جس میں کام کے کم کیے گئے اوقات کے لیے مالی ادائیگی میں کوئی کمی نہ کرنے کا مطالبہ بھی کیا گیا ہے۔
