کراچی : دو روز سے مسلسل اضافے کے بعد آج ملک بھر میں سونے کی قیمت میں معمولی اضافہ ریکارڈ کیا گیا ہے جبکہ عالمی منڈی میں بھی سونے کے نرخ بڑھ گئے۔
تفصیلات کے مطابق آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت میں300 روپے کا اضافہ ہوا ہے جس کے بعد فی تولہ سونے کا بھاؤ2 لاکھ 18 ہزار 600 روپے کا ہوگیا ہے۔
جیمز اینڈ جیولرز ایسوسی ایشن کے عہدیداران کے مطابق اسی طرح 10 گرام سونے کی قیمت میں 257 روپے کا اضافے ہوا ہے اور مارکیٹ میں 10 گرام سونا ایک لاکھ 87 ہزار414 روپے میں فروخت ہورہا ہے۔
- Advertisement -
دوسری جانب عالمی بازار میں سونے کا بھاؤ 3 ڈالر اضافے سے 2035 ڈالر فی اونس ہے۔ واضح رہے کہ گزشتہ روز بھی سونے کی قیمت میں 5 ہزار 700 روپے کا اضافہ ہوا تھا۔
