کراچی: سونے کی قیمت اچانک مزید گر گئی ہے، اور بھاؤ میں یکمشت بڑی کمی آ گئی ہے۔
تفصیلات کے مطابق عالمی منڈی میں سونے کی قیمت کم ہونے کے بعد ملک کی صرافہ مارکیٹوں میں بھی سونے کی قیمتوں میں یکمشت بڑی کمی آئی ہے، اور سونا مزید 1000 روپے سستا ہو گیا ہے۔
آل پاکستان جِمز اینڈ جیولرز ایسوسی ایشن کے مطابق ملک بھر میں 24 قیراط کا سونا ہزار روپے کی کمی کے بعد 2 لاکھ 12 ہزار 600 روپے فی تولہ ہو گیا ہے۔
- Advertisement -
دس گرام سونے کی قیمت میں بھی 858 روپے کمی آئی ہے، جس کے بعد دس گرام سونا 1 لاکھ 82 ہزار 270 روپے کا ہو گیا ہے، جب کہ چاندی کی فی تولہ قیمت 20 روپے کمی سے 2580 روہے ہو گئی ہے۔
امریکی ڈالر مزید سستا ہوگیا، روپیہ استحکام کی جانب گامزن
عالمی گولڈ مارکیٹ میں سونا 7 ڈالرز کمی سے 1998 فی اونس کی سطح پر آ گیا ہے۔ واضح رہے کہ گزشتہ روز بھی سونے کی فی تولہ قیمت میں یکمشت 1800 روپے کی کمی آئی تھی۔
