The news is by your side.

Advertisement

ملک میں سونے کی نئی قیمت سامنے آگئی

کراچی: پاکستان میں سونے کی فی تولہ قیمت میں 50 روپے کمی ریکارڈ کی گئی جبکہ ڈالر کی قدر میں مزید 16 پیسے کمی ہوئی۔

اے آر وائی نیوز کی رپورٹ کے مطابق آل پاکستان جیولرز مینوفیکچررز ایسوسی ایشن محمد ارشد کا کہنا ہے کہ ملک میں سونے کی فی تولہ قیمت 50 روپے کمی کے بعد ایک لاکھ 11 ہزار 750 روپے ہوگئی۔

فی تولہ قیمت میں کمی کے بعد 10 گرام سونے کی قیمت 43 روپے کمی کے بعد 95 ہزار 807 روپے ہوگئی۔

عالمی مارکیٹ میں سونے کی قدر میں معمولی اضافہ دیکھا گیا، عالمی مارکیٹ میں سونا 02 ڈالر اضافے کے بعد 1870 ڈالر فی اونس پر ٹریڈ ہوا۔

مزید پڑھیں: سونے کی قیمت میں کمی کا سلسلہ جاری، روپیہ مزید مستحکم

واضح رہے کہ گزشتہ چار روز سے سونے کی قیمت میں کمی کا سلسلہ جاری ہے، گزشتہ روز بھی سونے کی فی تولہ قیمت میں 100 روپے کمی ریکارڈ کی گئی تھی جس کے بعد سونے کی فی تولہ قیمت ایک لاکھ 12 ہزار روپے ہوگئی تھی۔

دوسری جانب انٹر بینک میں ڈالر کی قدر میں 16 پیسے کمی ریکارڈ کی گئی، انٹر بینک میں ڈالر 158.49 سے کم ہوکر 158.33 کی سطح پر بند ہوا۔

Comments

یہ بھی پڑھیں