کراچی : پاکستان میں سونے کی قیمت کے تمام سابقہ ریکارڈ ٹوٹ گئے اور فی تولہ سونا تاریخ کی بلند ترین سطح پر پہنچ گیا۔
تفصیلات کے مطابق عالمی مارکیٹ میں سونے کی قیمتوں میں اضافے کی وجہ سے پاکستان کے صرافہ بازاروں میں بھی سونے کی قیمتوں میں اضافے کا رجحان برقرار ہے۔
بین الاقوامی مارکیٹ میں سونے کی قیمتوں تاریخ کی بلند ترین سطح پر پہنچ گئی، قیمت میں ساٹھ ڈالر فی اونس کا اضافہ ہوا، جس کے بعد بین الاقوامی مارکیٹ میں سونا 2470 ڈالر پر پہنچ گیا۔
- Advertisement -
عالمی مارکیٹ میں سونے کی قیمتوں میں اضافے کی وجہ سے پاکستان میں بھی فی تولہ قیمت میں 4600 روپے اضافہ ہوا اور سونا تاریخ کی بلند ترین سطح دو لاکھ چون ہزارروپے پر جا پہنچا۔
دس گرام سونے کی قیمتوں میں 3 ہزار 944 روپے اضافے کے ساتھ 2 لاکھ 70 ہزار664 روپے ہوگئی۔
