کراچی: ملک میں ڈالر کی اونچی اڑان کے بعد سونے کی قیمت میں بھی ریکارڈ اضافہ ہوگیا۔
آل پاکستان جیولرز مینوفیکچررز ایسوسی ایشن کے مطابق ملک میں سونے کی قیمت تاریخ کی بلند ترین سطح پر پہنچ گئی اور سونے کی فی تولہ قیمت 8500 روپے اضافے کے بعد ایک لاکھ 60 ہزار 400 روپے ہوگئی۔
اسی طرح 10 گرام سونے کی قیمت 7 ہزار 245 روپے اضافے کے بعد ایک لاکھ 37 ہزار 517 روپے ہوگئی۔
عالمی منڈی میں بھی سونے کی قیمت میں اضافے کا رجحان رہا اور سونا 18 ڈالر اضافے کے بعد 1740 ڈالر فی اونس رہا۔
دوسری جانب ڈالر کی قدر میں بھی اضافے کا سلسلہ جاری ہے۔
انٹر بینک میں ڈالر 239 روپے 94 پیسے پر بند ہوا، واضح رہے کہ 10 کاروباری دنوں میں امریکی ڈالر 30 روپے 12 پیسے مہنگا ہوگیا۔
عید کے بعد انٹر بینک میں ڈالر 209 روپے 80 پیسے کا تھا۔
Interbank closing #ExchangeRate for todayhttps://t.co/3HKHwEmKLf pic.twitter.com/OZl2VqDeLR
— SBP (@StateBank_Pak) July 28, 2022
