بھارت کی ریاست کرناٹک کے شہر بنگلور کی سرکاری اسکول کے طلبا سے بیت الخلا صاف کروانے کی ویڈیو سوشل میڈیا پر وائرل ہوگئی۔
میڈیا رپورٹس کے مطابق کچھ روز قبل ضلع کولار میں سرکاری اسکول کے طلبا سے گٹر صاف کروانے کی ویڈیو سامنے آئی تھی اور اب باتھ روم صاف کروانے کا واقعہ پیش آگیا۔
ویڈیو وائرل ہونے کے بعد طلبا کے والدین نے اس پر سخت ناراضی کا اظہار کیا اور اسکول پہنچ کر احتجاج ریکارڈ کروایا۔ انہوں نے مطالبہ کیا کہ بیت الخلا کی صفائی کروانے والے کے خلاف قانونی کارروائی کی جائے۔
وائرل ویڈیو میں دیکھا جا سکتا ہے کہ پرائمری کلاس کے طلبا جھاڑو اور دیگر چیزوں کے ساتھ صفائی میں مصروف ہیں۔
متعلقہ: طلبا سے اسکول کا گٹر صاف کروانا پرنسپل اور اساتذہ کو مہنگا پڑ گیا
In #Karnataka‘s #Bengaluru, students of a primary school in #Yeshwanthpur‘s #Andrahalli were made to clean toilets. After knowing of the incident, parents lodged a protest in front of the school. pic.twitter.com/HDFRJytFEr
— Siraj Noorani (@sirajnoorani) December 22, 2023
مذکورہ ویڈیو پر ایکشن لیتے ہوئے وزارت تعلیم نے اسکول ہیڈ مسٹریس کو معطل کر دیا۔ کرناٹک کے نائب وزیر اعلیٰ ڈی کے شیوکمار نے واقعے کا نوٹس لیتے ہوئے فوری تحقیقات کا حکم دے دیا۔
ڈی کے شیوکمار نے کہا کہ واقعے میں ملوث افراد کے خلاف قانونی کارروائی کی جائے گی۔
انہوں نے کہا کہ ہمیں بچوں کا غلط استعمال نہیں کرنا چاہیے، نیشنل سروس اسکیم (این ایس ایس) کے تحت بچوں کو باغ کی صفائی اور پودے لگانے کی تربیت دی جاتی ہے، کسی کو اجازت نہیں کہ وہ طلبا سے باتھ روم صاف کروائے۔