کراچی : گورنر سندھ کامران ٹیسوری کا کہنا ہے کہ مذاکرات سب سے ہوسکتے ہیں لیکن عمران خان سے نہیں، وہ مذاکرات کے بعد یوٹرن مارجائیں گے۔
تفصیلات کے مطابق گورنر سندھ کامران ٹیسوری نے میڈیا سے گفتگو کرتے ہوئے کہا کہ امیرجماعت اسلامی سراج الحق جو کوششیں کررہےہیں وہ اچھی ہیں، کاش وہ یہ کوششیں معیشت کی بہتری اور عوامی مسائل کے حل کیلئے کرتے۔
کامران ٹیسوری کا کہنا تھا کہ سب اپنی سیاست کر رہے ہیں، کوئی الیکشن کروانے کی اور کوئی الیکشن لڑنےکی۔
گورنر سندھ نے کہا کہ میں نے جو وعدہ کیا وہ پورا کیا اور 30 دن تک لوگوں کیساتھ سڑک پر سحری کی۔
ان کا کہنا تھا کہ بلاول بھٹو نے بیک ڈور سے ون یونٹ لاگو کرنے کی جو بات کی وہ زیادہ بہتر جانتے ہیں، الیکشن ہونے چاہئیں اور وقت پر ہونے چاہئیں لیکن الیکشن کیلئے ملک تیار ہے پہلے یہ دیکھنا ہوگا۔
کامران ٹیسوری نے مزید کہا کہ مذاکرات سب سےہوسکتےہیں لیکن عمران خان سےنہیں، عمران خان مذاکرات کے بعد یوٹرن مار جائیں گے۔
