لاہور : اتحاد ٹاؤن فيز ون مین رائیونڈ روڈ میں شاندار گرينڈ بیلیٹنگ اور يوم آزادی کی تقريب کا انعقاد کیا گیا جس میں پلاٹ نمبروں کی بیلٹنگ کا اعلان کیا گیا۔
اس رنگا رنگ تقریب میں نامور گلوکار بلال سعید نے اپنے فن کا مظاہرہ کیا، یوم آزادی کی خوشی میں آتش بازی کا مظاہرہ بھی کیا گیا، تقریب میں لوگوں کی بڑی تعداد نے شرکت کی۔
میزبانی کے فرائض نامور اداکار واسع چودھری نے انجام دیئے، اس موقع پر شرکاء کو پلاٹ نمبرز الاٹ کیے گئے، کنسرٹ اور آتش بازی نے اس تہوار کے ماحول کو نئی بلنديوں پر پہنچا ديا، تقریب کے شرکاء بلال سعید کی پرفارمنس پر جھوم اٹھے۔
چيف آپريٹنگ آفيسر شيخ شجاع الله خان نے تقریب سے خطاب کرتے ہوئے کہا کہ جب ہم اپنے ملک کی آزادی کا جشن منا رہے ہيں تو آئيے ترقی کے جذبے سے سرشار اپنی صلاحيتوں کا بھی جشن منائيں جو پاکستان کے رئيل اسٹيٹ سيکٹر کی حقیقت ہے۔
ان کا مزید کہنا تھا کہ اتحاد ٹاؤن فيز 1 اتحاد اور ترقی کی علامت کے طور پر کھڑا ہے، اتحاد ٹاؤن کی بنيادی اقدار وعدے کے مطابق تکميل اور معيار ہیں، يہ تقريب نہ صرف ايک جشن کی علامت ہے بلکہ اس بات کو يقينی بنانے کے لئے ہمارے عزم کی بھی عکاسی کرتی ہے کہ وعدے صرف کئے ہی نہيں گئے بلکہ انہيں مسلسل پورا بھی کيا گيا ہے۔
تقریب میں معزز ڈائریکٹرز، مینجنگ ڈائریکٹر چودھری محمد منیر سمیت گروپ ڈائریکٹرز چودھری فیصل منیر، چودھری سہیل منیر، چودھری راحیل منیر اور چیف آپریٹنگ آفیسر شیخ شجاع اللہ خان اس کی رونمائی کو دیکھنے کے لیے موجود تھے۔
گروپ ڈائریکٹرز نے جشن آزادی کے موقع پر دلی نیک خواہشات کا اظہار کیا، انہوں نے رئیل اسٹیٹ اور متحد کمیونیٹیز کے اہم کردار پر زور دیا جو ملک کے روشن مستقبل کے لیے ضروری ہیں۔ انہوں نے اتحاد کی انتظامیہ ٹیم کو مبارکباد دی اور ایک شاندار عوامی تقریب کے انعقاد پر مارکیٹنگ ڈیپارٹمنٹ کی کاوشوں کو بھی سراہا۔
