The news is by your side.

Advertisement

اشک آباد: تاپی گیس منصوبے کا سنگ بنیاد رکھ دیا گیا

اشک آباد: ترکمانستان کے سرحدی شہر سرحد آباد میں ترکمانستان، افغانستان، پاکستان، انڈیا (تاپی) گیس منصوبے کا سنگ بنیاد رکھا گیا جس میں پاکستان کی نمائندگی وزیر اعظم شاہد خاقان عباسی نے کی۔

تفصیلات کے مطابق ترکمانستان میں تاپی گیس پائپ لائن سے منسلک منصوبوں کا سنگ بنیاد رکھا گیا۔

تقریب میں ترکمانستان کے صدر قربان علی بردی محمدوف، افغان صدر اشرف غنی اور بھارتی وزیر مملکت برائے خارجہ موجود تھے۔

وزیر اعظم شاہد خاقان عباسی نے تقریب سے خطاب بھی کیا۔ اپنے خطاب میں وزیر اعظم کا کہنا تھا کہ منصوبے سے توانائی کی بڑھتی ہوئی ضروریات پوری ہوں گی۔ خطے کے قدیم روابط بحال ہونے کا یہ تاریخی موقع ہے۔

انہوں نے کہا کہ منصوبے سے خطے میں مجموعی طور پر خوشحالی آئے گی۔ پاکستان نے بہت سے اقتصادی چیلنجز پر قابو پایا ہے۔ گیس، ریل، روڈ اور مواصلات کا نظام شامل ہے۔

ان کا مزید کہنا تھا کہ پاک چین اقتصادی راہداری حقیقت کا روپ دھار چکی ہے۔ دنیا بھر کے تاجروں کو سرمایہ کاری کے محفوظ مواقع فراہم کرتے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں