گوئٹے مالا سٹی : گوئٹے مالا میں فلاحی ادارے میں آگ لگنے سے جھلس کرہلاک ہونے والی لڑکیوں کی تعداد 36ہوگئی جبکہ 40سےزائد لڑکیاں زخمی ہیں۔
تفصیلات کےمطابق گوئٹے مالاسٹی سےتقریباََ 25کلومیٹر دورشیلٹر ہوم میں آگ لگنے کے باعث 36لڑکیاں ہلاک جبکہ 40سے زائد زخمی ہوگئیں جنہیں اسپتال میں طبی امداد دی جارہی ہے۔
گوئٹے مالا کے اس شیلٹر ہوم کے حوالے سےبعض افراد نے الزام عائدکرتے ہوئے کہاکہ یہاں بچوں کے ساتھ انتہائی برا سلوک برتا جاتا ہے۔
خیال رہےکہ چار روزقبل اس فلاحی ادارے سے 60بچے بھاگ گئے تھے جس کےبعد پولیس کو طلب کیاگیاتھا۔
آگ بجھانے والے عملے کا کہنا ہےکہ فلاحی ادارے میں آگ لگنے کی وجہ تاحال معلوم نہیں ہوسکی ہے۔
مزید پڑھیں:ترکی: طالبات کے ہاسٹل میں آتشزدگی،12افراد جاں بحق
یاد رہےکہ گزشتہ سال نومبر میں ترکی کے جنوبی علاقے میں طالبات کےہاسٹل میں آگ لگنے سےگیارہ طالبات سمیت بارہ افرادجان کی بازی ہار گئےتھے۔
واضح رہےکہ مقامی اطلاعات کے مطابق اس ادارے میں 400 لوگوں کی گنجائش تھی لیکن یہاں اس وقت اس سے کہیں زیادہ تعداد میں بچے رہ رہے تھے۔
