جنگل میں شیر اپنا پیٹ بھرنے کیلئے کسی بھی جانور کو اپنا شکار باآسانی بنا لیتے ہیں اور اس طرح کے مناظر اکثر سوشل میڈیا یا ٹی وی ڈاکو مینٹریز میں دکھائی بھی دیتے ہیں جو ایک قدرتی عمل ہے۔
لیکن اکثر اوقات شیر کو بھی اپنا شکار کرتے ہوئے بڑی مزاحمت کا سامنا کرنا پڑتا ہے اور ناکامی اس کا مقدر بنتی ہے اور وہ اپنا سا منہ لے کر واپس چلا جاتا ہے۔
کچھ ایسا ہی واقعہ بھارتی شہر گجرات میں پیش آیا جب ایک شیر شکار کی تلاش میں جنگل کی حدود سے باہر آگیا اور سڑک پر اپنے مالک کی نگرانی میں چلنے والی گائے کو اپنا نوالہ بنانا چاہا۔
سوشل میڈیا پلیٹ فارمز پر وائرل ہونے والی اس واقعے کی ایک ویڈیو میں دکھایا گیا ہے کہ ایک بھوکا شیر اس گائے پر جھپٹ پڑا اور اسے نیچے گرانے کی کوشش کرتے ہوئے اپنے طاقتور جبڑوں سے گائے کی گردن کو قابو کرلیا۔
ગીર સોમનાથ જિલ્લાના આલીદર ગામે સિંહણ દ્વારા ગાય ઉપર હુમલો કરેલ ત્યારે ખેડૂતે #Credit કિરીટસિંહ ચૌહાણ પોતાની ગાયને એક ખમીરવંતો પ્રયાસ કરેલ અને સફળતા મળેલ.
ખુબ ખુબ સલામ#lion #animalattack #cow #lioness #kingofthejungle #hunt #wildlife #india #nationalgeographic #discovery pic.twitter.com/lDYGub9bfZ— Vivek Kotadiya🇮🇳 BJP (@VivekKotdiya) June 29, 2023
مذکورہ ویڈیو ایک مقامی مسافر نے اپنے موبائل فون سے ریکارڈ کی، گائے شیر کی گرفت سے چھٹکارا پانے کی بھرپور کوشش کرتی نظر آتی ہے لیکن یہ کوشش بے سود لگتی ہے اور ایسا لگتا ہے کہ گائے موت کے دہانے پر ہے کیونکہ وہ شیر کو گھسیٹ کر سڑک کے کنارے لے جاتی ہے لیکن شیر کی گرفت اس گردن پر برقرار رہتی ہے۔
اسی دوران گائے کا مالک جو سارا منظر اپنی آنکھوں سے دیکھ رہا تھا اس نے ہمت کی اور شیر کو بھگانے کیلیے ہاتھ میں بڑا سا پتھر اٹھا کر اسے ڈرانے کی کوشش کرتا ہے جو خوش قسمتی سے کامیاب ہوجاتی ہے۔
آخر کار کسان کی کوشش رنگ لے آتی ہے اور شیر گائے کو چھوڑ کر جنگل کی جانب بھاگ جاتا ہے، یہ ویڈیو ٹوئٹر اور دیگر سوشل میڈیا پلیٹ فارمز پر تیزی سے وائرل ہو رہی ہے جس میں صارفین اس شخص کی ہمت اور اپنی پالتو گائے سے محبت کی تعریف کر رہے ہیں۔