لاہور : گجرپورہ زیادتی کیس کے مرکزی ملزم عابد علی کی تصویر اور معلومات فرانزک ڈیپارٹمنٹ سے لیک ہونے کا انکشاف سامنے آیا جبکہ متعلقہ شخص کی نشاندہی کرلی گئی۔
تفصیلات کے مطابق گوجرپورہ زیادتی کیس کا مرکزی ملزم عابدایک ہفتےگزرنےکے باوجود گرفت میں نہ آسکا، ملزم عابدکی تصویراورمعلومات لیک ہونے سے متعلق ابتدائی رپورٹ ایوان وزیراعلیٰ کو موصول ہوگئی ہے۔
ابتدائی رپورٹ میں بتایا گیا کہ تصویرپولیس ڈیپارٹمنٹ سےلیک نہیں ہوئی، رپورٹ فرانزک ڈیپارٹمنٹ سےلیک ہوئی، رپورٹ لیک کرنےوالےمتعلقہ شخص کی نشاندہی کرلی گئی۔
ذرائع کا کہنا ہے کہ حتمی رپورٹ وزیراعلیٰ کودورہ جنوبی پنجاب سے واپسی پر پیش کی جائےگی، پنجاب کابینہ اجلاس میں عابد کی تصویرلیک ہونے پر ارکان نے احتجاج کیا تھا۔
ذرائع کے مطابق تصویراور معلومات لیک ہونے پر ملزم عابد کو فرارہونے کا موقع ملا، وزیراعلیٰ نے 14 ستمبر کو تحقیقات اور ذمے دار کے تعین کی ہدایت کی تھی۔
خیال رہے پنجاب کی پولیس گجرپورہ واقعہ کے مرکزی ملزم عابد کی گرفتاری کیلئے چھاپے مار رہی ہے جبکہ کیس میں نامزد دو ملزمان شفقت اور بالامستری گرفتار ہوچکے ہیں۔
