گلشن اقبال میں کار پرفائرنگ ایک شخص جاں بحق -
The news is by your side.

Advertisement

گلشن اقبال میں کار پرفائرنگ ایک شخص جاں بحق

کراچی : گلشن اقبال میں کار پر فائرنگ سے ایک شخص جاں بحق ہوگیا۔ موٹر سائیکل پر سوار ملزمان نے گاڑی کا آدھا دروازہ کھول کر مقتول کو فائرنگ کا نشانہ بنایا۔ پولیس کا کہنا ہے کہ واقعہ ٹارگٹ کلنگ معلوم ہوتا ہے۔

تفصیلات کے مطابق کراچی کے علاقے گلشن اقبال گلشن چورنگی پر کار پر فائرنگ سے ایک شخص جاں بحق ہو گیا۔ ایس ایس پی ایسٹ کے مطابق جاں بحق شخص کی شناخت راشد لود نظر کے نام سے ہوئی ہے۔

مقتول کے شناختی کارڈ پر لیاری کا پتہ درج ہے۔ پولیس کے مطابق مقتول قومی ائیر لائن کے افسر کا ڈرائیور ہے جسے نامعلوم ملزمان نے موقع پربلایا اور فائرنگ کر کے قتل کر دیا۔

مقتول کی لاش کو ضروری کارروائی کے لئے اسپتال منتقل کر دیا گیا ہے۔ ملزمان مقتول کو فائرنگ کا نشانہ بناکر باآسانی فرار ہوتے ہوئے گولی کے خول بھی ساتھ لے گئے۔

نمائندہ اے آر وائی نیوز کے مطابق پولیس سی سی ٹی وی فوٹیج حاصل کرنے کے ساتھ ہی عینی شاہد کے بیان بھی قلمبند کررہی ہے۔

نعش کو ضابطے کی کارروائی کے لیے مقامی اسپتال منقتل کردیا گیا تھا تاہم واقعے کا مقدمہ رات گئے تک درج نہیں ہوسکا تھا۔

Comments

comments

یہ بھی پڑھیں