پاکستانی فلم و ڈرامہ انڈسٹری کی معروف اداکارہ حریم فاروق کی منگنی کی افواہیں سوشل میڈیا پر گردش کرنے لگیں۔
فوٹو اینڈ شیئرنگ ایپ انسٹاگرام پر اداکارہ حریم فاروق نے مختلف تصاویر کی ایک ویڈیو شیئر کی ہے جس میں اداکارہ کو سعد سلطان نامی شخص کے ساتھ دیکھا جاسکتا ہے۔
View this post on Instagram
ویڈیو دیکھ کر اندازہ لگایا جاسکتا ہے کہ حریم فاروق اور سعد کے درمیان کافی گہری دوستی ہے، آخر کی تصاویر میں حریم فاروق ساڑھی میں ملبوس ہیں جبکہ سعد سلطان نے سیاہ اور سفید رنگ کا روایتی پینٹ سوٹ زیب تن کیا ہوا ہے۔
اداکارہ نے ویڈیو شیئر کرتے ہوئے کیپسن میں اپنے دوست کو سالگرہ کی مبارکباد دی اور کہا کہ ہم نے تقریباً آدھی زندگی ایک ساتھ گزاری ہے، اب مجھے یہ بھی نہیں معلوم کہ آپ کے بغیر زندگی کیسی ہوگی، حریم نے سعد سلطان سے اپنی محبت کا بھی اظہار کیا۔
حریم فاروق کی ویڈیو سوشل میڈیا پر وائرل ہونے کے بعد اداکارہ کی منگنی کی خبریں گردش کررہی ہیں، تاہم اداکارہ نے ابھی تک ان خبروں پر کوئی ردعمل نہیں دیا۔
