حسینہ واجد اور مودی سرکار کا گھناؤنا گٹھ جوڑ بے نقاب ہوگیا، بھارتی ایئرپورٹ پربھگوڑی حسینہ کاشانداراستقبال کیاگیا۔
تفصیلات کے مطابق مودی کو سفارتی سطح پر ایک اور بڑی ناکامی کا سامنا ہوا، اس کی حمایت یافتہ شیخ حسینہ کی حکومت کا بدترین خاتمہ ہوگیا۔
حسینہ واجد اور مودی سرکارکاگٹھ جوڑاس طرح ثابت ہوا جب بھارتی ایئرپورٹ پربھگوڑی حسینہ کاشانداراستقبال کیا گیا، شیخ حسینہ کا بھارت فرار ہونے پر بھارتی مشیراجیت ڈوال اوروزارت خارجہ کے اہم افسران نے استقبال کیا۔
بھارت عرصہ دراز سے بنگلہ دیش کو اپنے مذموم سیاسی مقاصدکےلیےاستعمال کرتارہاہے اور حسینہ واجدنے بھارت کی کٹھ پتلی بن کراپنی ہی عوام کے خلاف پالیسیاں بنائیں اورظلم کیے۔
پاکستان کی نفرت میں بنگلہ دیش نےجماعت اسلامی کوبھی نشانہ بنایااوراس پرپابندی عائد کی ، 2014میں عام انتخابات کےدوران اپوزیشن پارٹی کےلیڈرکومحض جماعت اسلامی کی حمایت پرنظربند کیا گیا۔
حسینہ واجدکی غداری اوراسلام دشمنی کی واضح مثال یہ بھی ہے کہ اپنےدورحکومت میں سیاسی جماعت اسلامی کےمتعددرہنماؤں کومختلف مقدمات میں پھانسی دی گئی۔
سال 1971میں بھارت اورشیخ مجیب الرحمان نےپاکستانی دشمنی میں جوبیج بویاتھاوہ آج انہی کےلیےنفرت کاتناوردرخت بن چکا ہے ، 1971 میں جس اگرتلہ میں بیٹھ کر شیخ مجیب نے پاکستان کے خلاف سازش کی آج وہیں پناہ لینے پر مجبور ہیں۔
حسینہ واجد اور اس کے تشدد پسند گروہ نے بھارتی ایجنسی راکےاثرورسوخ کواستعمال کرتےہوئے بنگلہ دیشی عوام کی آزادی کا گلا گھونٹے رکھا۔
حسینہ واجداورمودی سرکارکےاس گٹھ جوڑ نے سیکڑوں مظلوم بنگلہ دیشی شہریوں کی جان لےلی ، بھارت اس تمام خون ریزی میں برابر کا شریک ہے جو پچھلے ماہ سے بنگلہ دیش میں جاری تھی لیکن بنگلادیش کے عوام نے اس نفرت انگیز گٹھ جوڑ کو مسترد کر کے بھارت کو منہ توڑ جواب دے دیا ہے۔
