ڈھاکہ: بنگلہ دیش میں طوفانی بارشوں اور لینڈ سلائیڈنگ کے باعث 156افراد ہلاک جبکہ درجنوں زخمی ہوگئے ہیں۔
تفصیلات کےمطابق بنگلہ دیش میں مون سون کی شدید بارشوں کے باعث ہلاک ہونے والوں کی تعداد 156 ہے۔ہلاک ہونے والوں میں ایک ہی خاندان کے تین بچے بھی شامل ہیں۔
امدادی کارکنوں کے چٹاگانگ میں دور دراز علاقوں تک پہنچنے کے بعد پولیس نے خبردار کیا ہے کہ ہلاکتوں میں مزید اضافے کا خدشہ ہے۔ پولیس کے مطابق ٹیلی فون اور آمد و رفت کا سلسلہ منقطع ہو گیا ہے۔
بارشوں کی وجہ سے بنگلہ دیش کے دارالحکومت ڈھاکہ اور دوسرے اہم شہر چٹاگانگ میں بھی ٹریفک میں خلل پڑا ہے۔
ڈیزاسٹرمنیجمنٹ اور ریلیف کے وزیر مفضل حسین چوہدری مایا کا کہنا تھا کہ حکام نے شدید بارش سے متاثرہ پہاڑی علاقے میں 18 کیمپ قائم کر دیے ہیں جہاں 4 ہزار 500 افراد موجود ہیں۔
سری لنکا: شدید بارشوں کے بعد سیلاب ‘ہلاکتوں کی تعداد 146ہوگئی
واضح رہےکہ گزشتہ ماہ سری لنکا میں بارشوں کے بعد سیلاب اور لینڈ سلائیڈنگ کے نتیجے میں کم از کم146 افراد ہلاک جبکہ 112 افراد لاپتہ ہوگئےتھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
