ملکی ترقی کیلیے ٹرمپ کے ساتھ مل کر کام کروں گی، ہیلری کلنٹن -
The news is by your side.

Advertisement

ملکی ترقی کیلیے ٹرمپ کے ساتھ مل کر کام کروں گی، ہیلری کلنٹن

واشنگٹن : امریکہ کی صدارتی دوڑ میں ناکام ہونے والی امیدوار ہیلری کلنٹن نے کامیاب ہونے والے ڈونلڈ ٹرمپ کو مبارکباد دیتے ہوئے کہا ہے کہ صدارتی انتخاب میں شکست پر افسوس ہے، نتائج پر دکھ ہوا، امریکا کی ترقی کیلیے ڈونلڈ ٹرمپ کے ساتھ مل کر کام کروں گی۔

ان خیالات کا اظہار انہوں نے اپنے حامیوں سے خطاب کرتے ہوئے کیا، ہیلری نے اپنی شکست پر اظہار افسوس کرتے ہوئے کہا کہ میرے حامیوں نے بھرپور انتخابی مہم چلائی مجھے نتائج پر دکھ ہوا ہے، ہماری انتخابی مہم ایک شخص یا ایک الیکشن کیلئے نہیں تھی۔

انہوں نے کہا کہ امریکی صدارتی امیدوار ہونے ہی میرے لیے فخر کی بات ہے ۔ ہم انتخابات میں فتح حاصل نہیں کرسکے۔

امریکی عوام نے فیصلہ دے دیا جسے ہم تسلیم کرتے ہیں، حامیوں کی مشکور ہوں، اب امریکا کے صدر ڈونلڈ ٹرمپ ہوں گے ان سے کھلے ذہن کی توقع ہے، امید کرتی ہوں کہ ڈونلڈ ٹرمپ امریکہ کیلیے کامیاب صدر ثابت ہوں گے اور وہ امریکہ کی بھلائی کیلئے کام کریں گے۔

ہیلری کلنٹن دوران خطاب آب دیدہ ہوگئیں۔ انہوں نے کہا کہ اب یہ ہماری ذمہ داری ہے کہ ہم بہتر اور مضبوط امریکا کے لیے کام کریں ، امریکا کی جمہوریت ہم سے ہمارے کردار کا تقاضا کرتی ہے۔

اقتدار کی پرامن منتقلی کی حمایت کرتے ہیں، ان کا کہنا تھا کہ امریکہ کیلئے بے انتہا خدمات پر اوباما اور مشیل اوباما کو خراج تحسین پیش کرتی ہوں ۔ ہیلری کے خطاب کے دوران ان کے بہت سے حامی بھی آنسو بہاتے رہے۔

Comments

comments

یہ بھی پڑھیں