کراچی: دنیا بھر میں ولادتِ باسعادتِ مبارک حضرت محمد ﷺ کے موقع پر جشن عیدمیلاد النبی ﷺ کی مذہبی جوش و جذبے کے ساتھ منایا گیا، اس ضمن میں جلسے جلوس، ریلیاں اور روح پرور محافلوں کا انعقاد کیا گیا۔
شوبز انڈسٹری سے تعلق رکھنے والی شخصیات نے بھی ولادت باسعادتِ حضرت محمد مصطفیٰ ﷺ کو مذہبی جوش و جذبے سے منایا اور تمام مسلمانوں کو مبارک باد پیش کی۔
پاکستانی اداکارہ ماہرہ خان نے ربیع الاول کی مبارک باد پیش کرتے ہوئے فرمان نبوی ﷺ تحریر کیا ’تم میں سے کوئی شخص اُس وقت تک مسلمان نہیں ہوسکتا جب تک وہ اپنے بھائی کے لیے وہ چیز پسند نہ کرے جو اُسے خود پسند ہے‘۔
حمزہ علی عباسی نے نبی ﷺ کی زندگی کا ایک واقعہ شیئر کیا، جس کے مطابق آپ ﷺ مکہ سے لشکر کے ساتھ کسی دوسرے مقام پر تشریف لے جارہے تھے کہ راستے میں آپ کی نظر ایک مادہ کتے پر پڑی جو اپنے بچوں کو دودھ پلا رہی تھی۔
اس منظر کو دیکھتے ہی آپ ﷺ نے جوئے ابنِ سرقا کو حکم دیا کہ وہ اس زخمی کتے کے پاس کھڑے رہے جب تک سارا لشکر یہاں سے نہ گزر جائے۔
حمیمہ ملک نے بھی ٹویٹ کے ذریعے عید میلاد النبی کی مبارک باد پیش کی۔
اے آر وئی ڈیجیٹل کے ڈرامے ایسی ہے تنہائی میں اداکاری کرنے والے سمیع خان نے بھی ٹویٹ کے ذریعے مبارک باد پیش کی۔
ہمایوں سعید نے عید میلاد النبی کی مبارک باد پیش کرتے ہوئے لکھا کہ ’ہمارے پیارے نبی محمد ﷺ نے اپنی پوری زندگی کبھی کسی کا دل نہیں دکھایا اور ہمیشہ معاشرے میں خوشیاں بکھیرنے میں اپنا کردار ادا کیا‘۔
پاکستان میں تعینات جرمنی کے سفیر نے اپنے ٹویٹر پر عید میلاد النبی کی مبارک باد پیش کرتے ہوئے تحریر کیا کہ ہم نے اس مسرت والے موقع پر ویزا درخواست دینے والوں اور سفارت خانے کے ملازمین میں مٹھائی تقسیم کی۔
برطانوی ہائی کمشنر تھومس ڈریو نے سفارت خانے کی جانب سے تمام مسلمانوں کو عید میلاد النبی ﷺ کی مبارک باد پیش کی۔
مقبوضہ کشمیر کے حریت پسند رہنما میر واعظ عمر فاروق نے محفل میلاد میں آپ ﷺ کی شانِ رسالت میں نعتِ مقبول پیش کی۔
On the occasion of #MiladUnNabi(SAW) #JamaMasjid reverberated with Naats and Manqabats, in Kashmiri and Persian showering praises on Allah’s last messenger(PBUH) pic.twitter.com/i78Pz9YaYK
— Mirwaiz Umar Farooq (@MirwaizKashmir) December 1, 2017
وفاقی وزیر برائے پانی و بجلی عابد شیر علی نے اپنے حلقے سے نکلنے والے جلوس میں شرکت کی
جاتی عمرہ رائیونڈ میں محفل میلاد اور مہمانوں کے لیے کھانے کا خصوصی اہتمام کیا گیا۔
عوامی مسلم لیگ کے سربراہ شیخ رشید احمد نے اپنے حلقے سے نکالے جانے والے جلوس میں شرکت کی۔
علاوہ ازیں پاکستان سمیت دنیا بھر میں بسنے والے مسلمانوں نے مذہبی جوش و جذبے سے جشن عید میلاد النبی ﷺ کا دن منایا۔
