ابوجا: افریقی ملک نائیجیریا میں گذشتہ ہفتے اغوا کئے گئے سینکڑوں اسکول طلبہ کو رہا کرالیا گیا ہے۔
بین الاقوامی میڈیا رپورٹ کے مطابق نائیجیریا کی فوج نے ریاست کٹسینا میں کارروائی کرکے ڈاکوؤں کی قید سے طلبہ کو بازیاب کرالیا۔
ریاست کٹسینا کے گورنر نے نائیجریا کے سرکاری ٹی وی این ٹی اے سے گفتگو کرتے ہوئے تصدیق کی کہ ہمسایہ ریاست زمفارہ کے رگو جنگل میں قید 344طلبہ بازیاب کرالئے گئے ہیں، بازیاب کرائے گئے طالب علموں میں تمام لڑکے ہیں۔
I welcome the release of the kidnapped students of Government Science Secondary School, Kankara. This is a huge relief to the entire country & international community. The entire country is grateful to Governor Masari, the Intelligence Agencies, the Military and the Police Force.
— Muhammadu Buhari (@MBuhari) December 17, 2020
مقامی عہدیدار نے طلبہ کی رہائی پر خوشی کا اظہار کرتے ہوئے کہا کہ یہ اقدام ان خاندانوں کے لئے خوشی اور راحت کا باعث ہے جو اپنے بچوں کی محفوظ واپسی کی دعا کررہے تھے۔
یاد رہے کہ نائیجیریا کے علاقے کٹسینا میں گذشتہ ہفتے مسلح افراد نےاسکول کے سینکڑوں طلبہ کو اغوا کرلیا تھا، نائیجیرین پولیس کا کہنا ہے کہ جمعہ کو کنکارا ضلع میں سیکنڈری اسکول کے سینکڑوں طلبہ کے اغوا کا واقعہ پیش آیا۔
اسکول کےایک ملازم نے عالمی خبررساں ادارے سے گفتگو کرتے ہوئے کہا تھا کہ تقریباً800 طلبہ لاپتہ ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں