جمعہ, مئی 9, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
اشتہار

’’دُردانہ‘‘ کی طرف سے ہمایوں سعید کو سالگرہ مبارک

ویب ڈیسک
| By ویب ڈیسک
اشتہار

حیرت انگیز

لاہور: پاکستانی اداکار ہمایوں سعید نے زندگی کی 48بہاریں دیکھ لیں، سالگرہ کے موقع پر انہیں ساتھی فنکاروں اور مداحوں نے مبارک باد کے پیغامات بھیجے۔

تفصیلات کے مطابق پاکستانی اداکار، ماڈل اور پروڈیوسر ہمایوں سیعد نے اپنی 48ویں سالگرہ اہل خانہ اور خاص دوستوں کے ساتھ منائی، انہیں ساتھی اداکارؤں نے مبارک باد دیتے ہوئے نیک خواہشات کا اظہار کیا۔

ستارہ امتیاز حاصل کرنے والی پاکستانی اداکارہ مہوش حیات نے ہمایوں سعید کو مبارک باد دی اور لکھا کہ ’’میں کبھی نہیں بھول سکتی کہ جب ہم ندیم بیگ کی ہدایت کاری پر ہنس رہے تھے‘‘۔

عروہ حسین نے ہمایوں سعید کو مبارک باد دیتے ہوئے لکھا کہ ’’میرے فواد گھاگا آپ ایک حیران کن ہیرو ہیں‘‘۔ انہوں نے ٹویٹ میں لکھا آپ کی دردانہ

یاد رہے کہ گزشتہ دنوں ہمایوں سعید کے نئے آنے والے ڈرامے ’’میرے پاس تم ہو‘‘ کی پہلی جھلک جاری کی گئی، ڈرامے میں عائزہ خان، ہمایوں سعید اور کبری خان مرکزی کردار ادا کریں گے۔

ڈرامے کی کہانی تین کرداروں عائزہ خان، کبری خان اور ہمایوں سعید کے گرد گھومتی ہے، ڈرامے میرے پاس تم ہو کی پہلی قسط 17 اگست کو جاری ہوگی۔ میرے پاس تم ہو کی ہدایت کاری کے فرائض ندیم بیگ نے انجام دئیے ہیں جبکہ اس کی کہانی خلیل الرحمان قمر نے تحریر کی۔

اداکار ہمایوں سعید کی چار سال بعد ڈرامہ انڈسٹری میں  واپسی ہوئی، اس سے قبل وہ اے آر وائی فلمز کے بینر تلے بنائی جانے والی فلم جوانی پھر نئی آنی اور اس کے سیکوئل میں مرکزی کردار ادا کرچکے ہیں۔

اے آر وائی ڈیجیٹل کے چیف ایگزیکٹو آفیسر سلمان اقبال نے ہمایوں سعید کو سالگرہ کی مبارک باد دیتے ہوئے لکھا کہ ’’آپ کو لمبی زندگی عطا ہو اور ہمیشہ ایسے ہی نظرآئیں‘‘۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025