قطر میں فیفا ورلڈ کپ کے شاندار انعقاد نے دنیا بھر کو صحرا میں ابھرے فٹبال کے اس نئے مرکز کی ستائش پر مجبور کر دیا ہے۔
قطر نے ایک ماہ تک دنیا کے سب سے مقبول کھیل فٹبال کے سب سے بڑے ایونٹ فیفا ورلڈ کپ 2022 کی بھرپور طریقے سے میزبانی کی۔ مشرق وسطیٰ کا یہ ملک خود تو عالمی کپ کا کوئی میچ نہ جیت سکا لیکن شاندار انتظامات اور میزبانی سے دنیا بھر کے دل ضرور جیت لیے اور اب ہر کوئی قطر کے ہی گُن گا رہا ہے۔
قطر کے گُن گانے والوں میں نیا اضافہ انگلینڈ کرکٹ ٹیم کے سابق کپتان کیون پیٹرسن ہیں جنہوں نے شاندار میزبانی پر قطر کو انتہائی خوبصورت الفاظوں میں خراج تحسین پیش کیا ہے۔
سابق انگلش کپتان کیون پیٹرسن نے سماجی رابطوں کی ویب سائٹ ٹوئٹر پر اپنے ٹوئٹ میں قطر کی میزبانی اور شاندار ایونٹ کو سراہتے ہوئے کہا ہے کہ خواہش ہے کہ فٹبال کا ہر ٹورنامنٹ اب مشرق وسطیٰ میں ہی منعقد ہو۔
یہ بھی پڑھیں: قطر نے فیفا ورلڈ کپ کی تاریخ بدل دی، دنیا حیران
کیون پیٹرسن نے اپنے ٹویٹ میں لکھا کہ گزشتہ برس جو ویمبلے میں ہوا، اسے مدنظر رکھتےہوئے یہ میگاایونٹ لاجواب رہا۔ پورے ٹورنامنٹ میں کسی قسم کی ہلڑبازی نہیں ہوئی۔
A football tournament without hooligans. And being at last years Wembley disgrace & now in Qatar, Qatar is the standout!
Maybe EVERY football tournament can be in the Middle East so our fan experience can be memorable! 🙏🏽 pic.twitter.com/jr2igYVijw— Kevin Pietersen🦏 (@KP24) December 19, 2022
ان کا کہنا تھا کہ قطر کے میگا ایونٹ کی طرح مشرق وسطیٰ میں ہونے والا ہر ایونٹ یادگار ثابت ہوگا جب کہ گزشتہ برس یورو کپ فائنل میں انگلینڈ کے ویمبلے اسٹیڈیم میں شدید بدنظمی دیکھنےمیں آئی تھی۔
