کراچی: عالمی ہوا بازی کی تنظیم اکاؤ نے ایئرپورٹ کی سیکیورٹی کو تسلی بخش قرار دے دیا۔
ذرائع کے مطابق اکاؤ نے ایئرپورٹ پر لگے سیکیورٹی سسٹم پر اپنے اطمینان کا اظہار کر دیا ہے، اور بیرون ملک جانے والے مسافروں کے سامان اور ان کی سیکیورٹی چیک کو بھی عالمی معیار کا قرار دے دیا۔
عالمی ہوا بازی کی تنظیم اکاؤ یونیورسل سیکیورٹی مونٹریال کی جانب سے کراچی ایئرپورٹ پر مختلف شعبوں کے آڈٹ کا سلسلہ جاری ہے، آڈٹ ٹیم نے پی آئی اے کے کارگو اور ٹریننگ سینٹر کا بھی دورہ کیا، عالمی ہوا بازی کی تنظیم نے پی آئی اے سمیت غیر ملکی ایئر لائنوں کے مسافروں کے سیکیورٹی سے متعلق بھی جانچ پڑتال کی۔
- Advertisement -
ذرائع کے مطابق عالمی ہوا بازی کی ٹیم نے جہاز میں مسافروں کے سامان منتقل ہونے سے قبل چیکنگ اور کارگو ایریا کا تیسرے روز بھی دورہ کیا۔
