پاکستانی کرکٹ ٹیم کے مڈل آرڈر بلے باز افتخار احمد نے ٹوئٹر کے بانی ایلون مسک سے جعلی اکاؤنٹ بند کرنے کی درخواست کر دی۔
سماجی رابطے کی سائٹ ٹوئٹر پر نواز نامی ایک صارف نے افتخار احمد سے منسوب ایک بیان جاری کیا، جس میں اُس کا کہنا تھا کہ جب بھی ہمارا بھارت کے خلاف میچ ہوتا ہے، تو ہمیں ایسا محسوس ہوتا ہے جیسے ہم گلی کے بچوں کے ساتھ کھیل رہے ہیں۔
ٹوئٹ کا لنک اور اسکرین شاٹ شیئر کرتے ہوئے افتخار احمد نے لکھا کہ مجھے اس بیان سے متعلق بتایا گیا ہے کہ جو میں نے کبھی دیا ہی نہیں، درحقیقت کوئی بھی پروفیشنل کرکٹر اس قسم کی بات نہیں کہہ سکتا۔
I’ve been made aware of this statement which I’ve never made. In fact, no professional cricketer will make such a statement. Please stop circulating false news & report this individual for spreading hate.@X @elonmusk please ban this account as people are misusing the blue tick. https://t.co/dmgDEfM9jp pic.twitter.com/fExqNRa9Zk
— Iftikhar Ahmad (@IftiMania) August 16, 2023
قومی ٹیم کے جارحانہ بلے باز نے کہا کہ برائے مہربانی اس قسم کی غلط اور جھوٹی خبروں کو پھیلانے سے گریز کیا جائے، انہوں نے اپنے چاہنے والوں سے درخواست کی کہ وہ اس اکاؤنٹ کو رپورٹ کریں۔
ساتھ ہی افتخار احمد نے ایلون مسک کو بھی ٹیگ کرتے ہوئے درخواست کی کہ برائے مہربانی اس اکاؤنٹ پر پابندی لگائی جائے کیونکہ یہ اپنے تصدیق شدہ اکاؤنٹ، بلیو ٹک کا غلط استعمال کررہے ہیں۔