site
stats
خیبر پختونخواہ

سی پیک کومکمل تحفظ فراہم کریں گے، آئی جی کے پی کے

ایبٹ آباد : انسپکٹر جنرل آف پولیس خیبر پختونخواہ صلاح الدین محسود نے کہا ہے کہ ہزارہ سی پیک روٹ کیلئے 4200اہلکار تیار ہیں ,سی پیک کو مکمل تحفظ فراہم کریں گے اور اسے ہر صورت میں کامیاب بنائیں گے۔۔

ان خیالات کا اظہار انہوں نے ایبٹ آباد میں میڈیا سے گفتگو کرتے ہوئے کیا، آئی جی کے پی کے کا کہنا تھا کہ پولیس نے پہلی مرتبہ خود کو احتساب کیلئے پیش کیا ہے، صوبے اور ڈویژن کی سطح پر سیفٹی کمیشن بنائے گئے ہیں۔

ان کا کہنا تھا کہ ڈی پی او کے پاس اختیار کے بجائے اب ریجنل سیفٹی کمیشن کے پاس اختیارات ہوں گے، حکومت اور اپوزیشن کے نمائندے برابری کی سطح پر کمیشن میں شامل ہوں گے۔

آئی جی کے پی کے نے کہا کہ صوبائی سیفٹی کمیشن کے ممبران کا چناؤ چیف جسٹس پشاور ہائی کورٹ کریں گے، ان کا کہنا تھا کہ7500پولیس والوں کو چار سال کے دوران سزائیں دی گئی ہیں، آئی جی کے پی کے کا مزید کہنا تھا کہ2017 کا سال صوبہ کا سب سے پر امن سال رہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top