اسلام آباد : اسلام آباد ہائی کورٹ نے آئی جی اسلام آباد پر 25ہزار روپے کا جرمانہ عائد کرتے ہوئے حکم دیا کہ آئندہ سماعت سے قبل آئی جی 25 ہزار روپے پٹشنر شیریں مزاری کو دیں۔
تفصیلات کے مطابق اسلام آباد ہائی کورٹ میں سابق وزیر شیریں مزاری کی ای سی ایل سے نام نکلوانے کی درخواست پر سماعت ہوئی۔
عدالت نے اسلام آباد ہائیکورٹ نے آئی جی اسلام آباد پر 25 ہزار روپے جرمانہ عائد کر دیا ، عدالت کے بار بار کے حکم کے باوجود جواب جمع نہ کرانے پرجرمانہ عائد کیا گیا۔
اسلام آبادہائیکورٹ نے حکم دیا کہ آئندہ سماعت سے قبل آئی جی 25 ہزار روپے پٹشنر شیریں مزاری کو دیں اور2اگست کو ایک ہفتے میں آئی جی اسلام آباد کو جواب جمع کرانے کا حکم دیا۔
عدالت کا کہنا تھا کہ 10اگست تک جواب جمع نہیں کرایا ایک ہفتہ مہلت کی استدعا عدالت نے منظور کی ،29اگست کو بھی آئی جی اسلام آباد نے جواب جمع نہیں کرایا ، آئی جی اسلام آباد کو آج بھی جواب جمع نہ کرانے پر 25 ہزار روپے جرمانہ عائد کیا جاتا ہے۔
عدالتی حکم کے مطابق جواب جمع کیوں نہیں ہوا ؟ آئی جی انکوائری کرائیں ،انکوائری کرکے ایکشن لیکر 2 ہفتے میں جواب جمع کرائیں۔
جسٹس طارق محمود جہانگیری نے 3 صفحات پر مشتمل تحریری آرڈر جاری کر دیا۔
