اسلام آباد : عالمی مالیاتی فنڈ (آئی ایم ایف) نے ورلڈ اکنامک آؤٹ لک رپورٹ میں کہا ہے کہ پاکستان میں معاشی ترقی کی شرح میں بہتری کے امکانات ہیں، پاکستانیوں کیلئے مہنگائی کی شرح 23 فیصد سے زائد رہے گی۔
تفصیلات کے مطابق عالمی مالیاتی فنڈ (آئی ایم ایف) نے ورلڈ اکنامک آؤٹ لک رپورٹ جاری کردی، جس میں کہا ہے کہ پاکستانیوں کیلئے مہنگائی کی شرح 23 فیصد سے زائد رہے گی۔
آئی ایم ایف نے رپورٹ میں کہا ہے کہ پاکستان میں معاشی ترقی کی شرح میں بہتری کے امکانات ہیں، پاکستان میں معاشی ترقی 2022 میں 6 فیصداور 2023 میں منفی 0.5 فیصد تھی، اس سال معاشی شرح نمو 2.5 فیصد رہنے کا امکان ہے۔
موجودہ مالی سال مہنگائی کی شرح 23.6 فیصد رہے گی، سال 2028 تک جی ڈی پی گروتھ 5 فیصد تک جانے کا تخمینہ لگایا گیا ہے، اس سال بے روزگاری کم ہو کر 8 فیصد پر آنے کا امکان ہے، گزشتہ مالی سال بے روزگاری کی شرح 8.5 فیصد تھی۔
اس سال کرنٹ اکاونٹ خسارہ جی ڈی پی کا 1.8 فیصد رہے گا کیونکہ عالمی سطح پر کورونا وبااور روس یوکرین جنگ کے اثرات برقرار ہے۔