وزیراعظم میاں محمد شہبازشریف نے سیکرٹری خزانہ حامد یعقوب شیخ کو عہدے سے ہٹادیا۔
تفصیلات کے مطابق وفاقی بجٹ سے قبل اہم پیش رفت ہوئی ہے اور وزیراعظم نے بڑا فیصلہ کرتے ہوئے سیکرٹری خزانہ حامد یعقوب شیخ کو عہدے سے ہٹا دیا ہے۔
سیکرٹری خزانہ حامد یعقوب شیخ کو عہدے سے ہٹانے کے بعد نوٹیفکیشن جاری کر دیا گیا اور ان کی جگہ پاکستان ایڈمنسٹریٹو سروس کے امداد اللہ بوسال کو وفاقی سیکرٹری خزانہ تعینات کیا گیا ہے۔
امداد اللہ بوسال اسپیشل سیکرٹری خزانہ تعینات تھے۔
ذرائع کے مطابق نئے سیکرٹری خزانہ امداد اللہ بوسال کا شمار وزیراعظم شہباز شریف کے قریبی اور بااعتماد افسران میں ہوتا ہے امداد اللہ بوسال پنجاب میں وزیراعظم شہباز شریف کے ساتھ کام کرچکے ہیں ۔
واضح رہے کہ وفاقی بجٹ کے لیے حکومت نے تیاریاں شروع کر دی ہیں اور اس سلسلے میں بجٹ سے قبل وزارتوں کی کارکردگی کو مدنظررکھتے ہوئے اہم فیصلے کیے جارہے ہیں۔
