وفاقی وزیر تعلیم شفقت محمود کی زیرصدارت بین الصوبائی وزارئے تعلیم کے اجلاس میں امتحانات سے متعلق اہم فیصلے کیے گئے ہیں۔
تفصیلات کے مطابق وزیرتعلیم شفقت محمود کی زیرصدارت ہونے والے اجلاس میں فیصلہ کیا گیا کہ رواں سال کسی کو پروموٹ نہیں کیا جائے گا۔
امتحانات تمام کلاسز کے ہر صورت ہوں گے، پہلے تا دسویں اوربارہویں جماعت کےامتحانات ہوں گے، دسویں اور بارہویں کےامتحانات جون کےتیسرےہفتےمیں لیےجائیں گے۔ نتائج میں تاخیر پر جامعات پروویژنل سرٹیفکیٹ کی بنیاد پر داخلے دیں گی۔
اجلاس میں فیصلہ کیا گیا کہ موسم گرماکی تعطیلات کم ہوں گی اور اس متعلق فیصلےصوبےکریں گے۔
یاد رہے نیشنل کمانڈ اینڈ آپریشن سینٹر نے ملک کے شدید متاثرہ اضلاع میں تعلیمی ادارے نہ کھولنے کی ہدایت کرتے ہوئے کہا کورونا کےکم متاثرہ اضلاع میں تعلیمی ادارے 24 مئی سے کھلیں گے۔
مراسلے میں کہا گیا تھا کہ کورونا سے زیارہ متاثرہ اضلاع میں تعلیمی ادارے 6 جون تک بند رہیں گے،7 جون سے تعلیمی ادارے کھولنے کیلئے جائزہ اجلاس 3 جون کو ہو گا۔
