ریاض: سعودی محکمہ پاسپورٹ وامیگریشن(جوازات) نے پاکستان سے براہ راست سعودی عرب جانے کے حوالے پوچھے گئے سوال پر وضاحت پیش کی ہے۔
عرب میڈیا کی رپورٹ کے مطابق جوازات کے ٹوئٹر ہینڈل پر ایک خاتون نے استفسار کیا کہ میرے شوہر سعودی عرب میں ویکسین کی دونوں خوراکیں لگوا چکے ہیں اب وہ پاکستان آئے ہیں جبکہ میں نے پاکستان میں ہی ویکسین لگائی تھی کیا میں شوہر کے ہمراہ براہ راست مملکت جاسکتی ہوں؟۔
جوازات نے وضاحت پیش کی کہ وہ اقامہ ہولڈر تارکین جنہوں نے سعودی عرب میں رہتے ہوئے کورونا ویکسین کی دونوں خوراکیں لگوائی ہیں، وہ براہ راست مملکت آسکتے ہیں۔
پاکستان سے براہ راست سعودی عرب جانا ممکن
سعودی محکمہ پاسپورٹ کا مزید کہنا تھا کہ ایسے افراد جنہوں نے مملکت میں ویکسین کی دونوں خوراکیں نہیں لگوائیں انہیں براہ راست آنے کی اجازت نہیں ہے۔
خیال رہے سعودی عرب میں مکمل کورونا ویکسینیشن کروانے والوں کا پاکستان سے براہ راست مملکت جانا ممکن ہے۔
وہ غیرملکی جو مملکت میں کورونا ویکسین کی دونوں خوراک لے چکے ہیں اور اس وقت کسی سفری پابندی کے شکار ممالک میں موجود ہیں تو ان پر براہ راست واپسی پر پابندی کا اطلاق نہیں ہوگا۔
