اسلام آباد : وزیر اعظم عمران خان نے کہا ہے کہ مجھے فخر ہے کہ افغانستان سے بھی مریض علاج کیلئے پشاور کے شوکت خانم اسپتال کا رخ کررہے ہیں، یہ ہسپتال جدید ترین سہولیات سے مزین ہے۔
یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی، وزیر اعظم عمران خان کا کہنا ہے کہ آج میں نے شوکت خانم میموریل کینسر ہسپتال اینڈ ریسرچ سینٹر پشاور میں کلینیکل اینڈ ریڈی ایشن اونکالوجی کے نئے شعبے کا افتتاح کیا۔
نیا شعبہ ٹو اسٹیٹ آف دی آرٹ سہولتوں سے مزین ہے، یہ شعبہ عالمی معیار کے ہائی انرجی ویرین لینئر ایکسلریٹرز اور کل وقتی ڈی فور سی ٹی سائمولیٹر سے آراستہ ہے۔
مجھے فخر ہے کہ پاکستان میں لاہور کے شمال میں واقع یہ ہسپتال جدید ترین سہولیات سے مزین ہے اور افغانستان سے بھی مریض علاج کیلئے ادھر کا رخ کررہے ہیں۔ اس شعبے کا قیام شوکت خانم کے دوسرے مرحلے کی تکمیل ہے۔ 2020 تک سرجری کی سہولت فراہم کرنے کے تیسرے مرحلے پر بھی تیزی سے کام جاری ہے۔ https://t.co/b0nKUqL8rl
— Imran Khan (@ImranKhanPTI) April 19, 2019
ان کا مزید کہنا ہے کہ پاکستان میں جدید آلات کی اس اہم سہولت پر فخر ہے، افغانستان سے مریض علاج کیلئے شوکت خانم اسپتال آتے ہیں۔
مذکورہ سہولت سے شوکت خانم اسپتال کا دوسرامرحلہ مکمل ہوتا ہے، 2020 تک شعبہ سرجیکل کی سہولت فراہم کرنے کے تیسرے مرحلے پر بھی تیزی سے کام جاری ہے۔