اسلا آباد : چیئرمین پی ٹی آئی عمران خان نے نیب تحقیقات کے خلاف اسلام آبادہائیکورٹ سے رجوع کرلیا ، جس میں نیب کال اپ نوٹس چیلنج کئے گئے ہیں۔
تفصیلات کے مطابق توشہ خانہ کیس میں نیب تحقیقات کیخلاف چیئرمین تحریک انصاف عمران خان نے اسلام آبادہائیکورٹ میں درخواست دائر کردی۔
عمران خان نے وکیل خواجہ حارث کے ذریعے درخواست دائر کی ، جس میں اور 16 مارچ،17 فروری کے نیب کال اپ نوٹس ہائیکورٹ میں چیلنج کردیئے گئے۔
- Advertisement -
درخواست میں کہا گیا کہ 17فروری،16مارچ کے نیب کال اپ نوٹس غیر قانونی قرار دیئےجائیں اور کیس کے حتمی فیصلے تک انکوائری کو انویسٹی گیشن میں تبدیلی سے روکا جائے۔
درخواست میں استدعا کی گئی کہ کال اپ نوٹسز کی بنیاد پر پٹشنر کے خلاف تادیبی کارروائی سے روکا جائے، درخواست میں چیئرمین نیب اور ایڈیشنل ڈائریکٹر نیب راولپنڈی کوفریق بنایاگیا ہے۔
