پی ٹی آئی چیئرمین عمران خان 4 مقدمات میں پیشی کیلیے لاہور سے اسلام آباد روانہ ہوگئے ہیں پارٹی رہنماؤں نے سیکیورٹی خدشات کا اظہار کرتے ہوئے قوم سے دعاؤں کی اپیل کی ہے۔
اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان اسلام آباد کی عدالتوں میں زیر سماعت 4 مقدمات میں پیشی کے لیے زمان پارک لاہور سے وفاقی دارالحکومت کے لیے روانہ ہوگئے ہیں اور ان کا قافلہ رواں دواں ہے۔
تازہ ترین اطلاعات کے مطابق عمران خان کا قافلہ کالا شاہ کاکو انٹرچینج کراس کرگیا ہے۔ اس موقع پر پاکستان تحریک انصاف کے رہنماؤں نے اپنے لیڈر کی سیکیورٹی کے حوالے سے سنگین خدشات کا اظہار کرتے ہوئے قوم سے دعاؤں کی اپیل کی ہے۔
پی ٹی آئی کے مرکزی سیکریٹری اطلاعات فواد چوہدری نے اپنے ٹویٹ میں کہا ہے کہ عمران خان آج 4 عدالتوں میں پیش ہوں گے۔ تمام مقامات پر عمران خان اور ان کے ساتھ ہزاروں لوگوں کی سیکیورٹی کو شدید خطرہ ہو گا۔
عمران خان آج چار عدالتوں میں پیش ہوں گے، ان تمام مقامات پر عمران خان اور ان کے ساتھ ہزاروں لوگوں کی سیکیورٹی کو شدید خطرہ ہو گا،جعلی مقدموں میں انھیں ایک عدالت سے دوسری عدالت پیش کیا جا رہا ہے حاضری ویڈیو لنک سے ممکن تھی لیکن مقصد عمران خان کی زندگی سے کھیلنا ہے
— Ch Fawad Hussain (@fawadchaudhry) February 28, 2023
ان کا کہنا تھا کہ جعلی مقدمات میں انہیں ایک عدالت سے دوسری عدالت میں پیش کیا جا رہا ہے۔ حاضری ویڈیو لنک سے بھی ممکن تھی لیکن مقصدعمران خان کی زندگی سے کھیلنا ہے۔
فیصل جاوید نے اپنے ٹویٹ میں لکھا ہے کہ اللہ سے دعا ہے کہ وہ عمران خان کو اپنی حفظ و امان میں رکھے۔ کپتان کی جان کو خطرہ ہے، ان پر ایک قاتلانہ حملہ بھی ہو چکا ہے۔ ایسا لیڈر صدیوں میں پیدا ہوتا ہے، ہمیں اس کی قدر کرنی چاہیے۔
اللّٰہ تعالیٰ سے دعا ہے کہ عمران خان کو اپنی حفظ و امان میں رکھے- عمران خان کی جان کو خطرہ ہے اور ان پر ایک قاتلانہ حملہ بھی ہو چکا ہے- آج ٹیکنالوجی کا استعمال ہوسکتا ہے ویڈیو لنک کے ذریعے بھی پیشی ہو سکتی ہے- ایسا لیڈر صدیوں میں پیدا ہوتا ہے- ہمیں قدر کرنی چاہیے
— Faisal Javed Khan (@FaisalJavedKhan) February 28, 2023
پی ٹی آئی رہنما نے مزید کہا کہ آج ٹیکنالوجی کا استعمال ہو سکتا ہے اور ویڈیو لنک سے بھی پیشی ہوسکتی ہے۔
فرخ حبیب نے ٹوئٹر پر اپنے آڈیو اور ویڈیو پیغامات میں کہا کہ عمران خان قاتلانہ حملہ کےبعد پہلی باراسلام آباد آ رہے ہیں۔ وہ پی ڈی ایم کے بنائے انتقامی مقدمات میں مختلف عدالتوں میں پیش ہوں گے۔ یہ سماعت ٹیکنالوجی ویڈیو لنک سے یا بغیر رش کے محفوظ مقام پر بھی ہوسکتی تھی۔ ایسےمیں عمران خان کی سیکیورٹی کی گارنٹی کون دے گا؟
عمران خان قاتلانہ حملہ کےبعد پہلی باراسلام آباد آرہے ہیں جہاں PDMکےبنائے گئے انتقامی مقدمات میں مختلف عدالتوں میں پیش ہونگے۔
یہ سماعت ٹیکنالوجی یا بغیر رش کے محفوظ مقام پربھی ہوسکتی ہے، آخرکیوں عمران خان کی جان کو خطرہ میں ڈالاجارہاہے؟@FarrukhHabibISF
pic.twitter.com/gsnbQGSOZf— PTI (@PTIofficial) February 28, 2023
انہوں نے مزید کہا کہ جن کی ذمے داری سیکیورٹی فراہم کرنا ہے وہ قاتلانہ حملے کا ملزم ہے۔ عمران خان عدالتوں کے احترام میں پیش ہونگے، لیکن 22 کروڑ عوام کے لیڈر کی جان کو خطرے میں نہ ڈالا جائے اور محفوظ مقام پر سماعت کا بندوبست کیا جائے۔
ایسے میں عمران خان کی سیکورٹی کی گارنٹی کون دے گا؟ جن کی ذمہ داری سیکورٹی فراہم کرنا ہے ان میں سے وزیر داخلہ پچھلے قاتلانہ حملہ کے ملزم ہے۔
عمران خان عدالتوں کےاحترام میں پیش ہونگے لیکن 22کروڑعوام کےلیڈرکی جان کو خطرے میں نہ ڈالاجائےاور محفوظ مقام پر سماعت کا بندوبست ہونا چاہئے https://t.co/a0lCguAsEi— Farrukh Habib (@FarrukhHabibISF) February 28, 2023
پی ٹی آئی کی خاتون رہنما مسرت چیمہ نے بھی عمران خان کی جان کو لاحق خطرات کے پیش نظر قوم سے دعاؤں کی اپیل کی ہے۔
انہوں نے اپنے بیان میں کہا ہے کہ جنہوں نے عمران خان کی پہلے جان لینے کی کوشش کی وہ آج بھی یہ سازش کر سکتے ہیں۔ ان لوگوں کواندازہ نہیں کہ اگرعمران خان کی شکل میں قوم کو امید نہ ہو تو یہ عوام اس ٹولے سے چند گھنٹے میں نمٹ لیں۔
عمران خان زمان پارک سے اسلام آباد روانہ
مسرت چیمہ نے یہ بھی کہا کہ اس وقت عمران خان پاکستانی عوام کے سامنے بند باندھے کھڑے ہیں۔ یہ 22 کروڑ کا ملک ہے اس کو آپ جبر سے کنٹرول نہیں کر سکیں گے۔
چئیرمین پاکستان تحریک انصاف عمران خان لاہور سے اسلام آباد پیشی کے لیے روانہ. ان کی جان کو لاحق خطرات کے پیش نظر قوم سے دعاؤں کی اپیل ہے. جنہوں نے پہلے ان کی جان لینے کی کوشش کی وہ آج بھی اپنی سازش کو عملی جامہ پہنانے کی کوئی سازش کرسکتے ہیں pic.twitter.com/EVJcOPHhFS
— Musarrat Cheema (@MusarratCheema) February 28, 2023
