اسلام آباد: سابق وزیراعظم عمران خان نے الزام عائد کیا ہے کہ موجودہ حکومت نے میری ٹیم کے تمام کاموں کو ختم کردیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں عمران خان نے کہا کہ امریکی حمایت یافتہ رجیم چینج سے قبل ہم چھ فیصد شرح نمو کےقریب تھے انہوں نے میری ٹیم کے تمام کاموں کو ختم کر دیا ہے۔
عمران خان نے کہا کہ سازشی ٹولےکی واحدترجیح این آر او ٹو حاصل کرنا ہے۔
When US-backed regime change conspiracy removed PTI govt we were headed for a close to 6 percent growth rate. The cabal of crooks whose only priority is to get NRO 2 have undone all the great work done by my team. #امپورٹڈ_حکومت_نامنظور pic.twitter.com/mPERaXu8Ko
— Imran Khan (@ImranKhanPTI) May 18, 2022
ادھر شہباز حکومت پانچ ہفتے بعد بھی معیشت سنبھالنے میں بری طرح ناکام ہے، کاروباری ہفتے کے تیسرے روز بھی امریکی ڈالر کی اونچی اڑان جاری ہے اور ڈالر ملک کی تاریخ کی بلند ترین سطح پرٹریڈ رہا ہے۔
آج اوپن مارکیٹ میں امریکی ڈالر نے نے ڈبل سنچری مکمل کرلی اور تقریبا دو روپے بڑھ کر دو سو روپے پر فروخت ہو رہا ہے۔
یاد رہے کہ گیارہ اپریل سے اب تک ڈالر 14روپے 82پیسے کا اضافہ ہوا ، ڈالر بڑھنے کے باعث 1700ارب روپے اضافی بوجھ بڑھ گیا ہے۔
